کراچی میں کورنگی لیبر اسکوائر کے قریب فائرنگ ہوئی جس کے نتیجے میں ایک شخص جاں بحق ہوگیا ہے۔
تفصیلات کے مطابق ہلاک ہونے والے شخص کو ایمبولینس کے ذریعے جناح اسپتال منتقل کردیا گیا ہے۔
واضح رہے کہ ہلاک ہونے والے شخص کی شناخت تاحال نہیں ہو سکی ہے۔
پولیس کا کہنا ہے کہ قتل کے محرکات جاننے کے لئے تفتیش کا سلسلہ جاری ہے۔
اس سے قبل کراچی میں تیز رفتار کار نے رکشہ کو ٹکر مار دی جس سے رکشہ ڈرائیور اور اس میں سوار خاتون زخمی ہو گئیں۔
حادثے میں زخمی رکشہ ڈرائیور اور خاتون کی حالت خطرے سے باہر ہے۔
دوسری جانب کراچی کے علاقے لیاقت آباد پل پر تیز رفتار کار ڈرائیور کے قابو سے باہر ہو گئی اور رکشہ سے ٹکرا گئی جس کے نتیجے میں رکشہ الٹ گیا۔
حادثے کے بعد مشتعل افراد نے کار کے ڈرائیور کو پکڑ کر پولیس کے حوالے کر دیا۔
خیال رہے کہ حادثے میں زخمی رکشہ ڈرائیور اور خاتون کی حالت خطرے سے باہر ہے۔
اس کے علاوہ کراچی میں بھینس کالونی روڈ نمبر 10 کے قریب فائرنگ ہوئی جس کے نتیجے میں ایک شخص زخمی ہوگیا۔
ریسکیو ذرائع کا کہنا ہے کہ زخمی ہونے والے شخص کو ایمبولینس کے ذریعے جناح اسپتال منتقل کیا جارہا ہے۔
ریسکیو کے ذرائع نے بتایا ہے کہ زخمی ہونے والے شخص کی شناخت 40 سالہ سعید خان ولد خایان جنان کے نام سے ہوئی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News