حسن مرتضٰی کا کہنا ہے کہ الیکشن کمیشن کے ضابطہ اخلاق کی پابندی اولین ترجیح ہے۔
پارلیمانی لیڈر و جنرل سیکرٹری پیپلزپارٹی وسطی پنجاب سید حسن مرتضٰی نے اپنے بیان میں کہا ہے کہ پیپلزپارٹی نے ہمیشہ قانون کی پاسداری کی ہے اور آئندہ بھی کرے گے۔
انہوں نے کہا کہ این اے 133 ضمنی الیکشنز میں کسی بھی صورت حصہ نہیں لے رہا، حیرت ہے کہ پیپلزپارٹی کی مخالف امیدوار اور اُنکا بیٹا دونوں ایم این ایز ہیں اُن پر کوئی پابندی نہیں۔
پیپلزپارٹی کے جنرل سیکرٹری کا کہنا ہے کہ مخالف جماعت کے ایم این ایز اور ایم پی ایز این اے 133 میں الیکشن مہم چلا رہے ہیں وہاں کوئی ضابطہ اخلاق لاگو نہیں۔
حسن مرتضٰی نے مزید کہا کہ مسلم لیگ ن کی امیدوار ماں اور اُنکا بیٹا دونوں ایم این ایز ہیں تو اُن کا الیکشن کون لڑ رہا ہے۔
واضح رہے کہ اس سے قبل الیکشن کمیشن نے آئندہ عام انتخابات میں جدید ٹیکنالوجی کے استعمال کے لیے حکومت سے فنڈ مانگ لئے ہیں۔
بول نیوز کے مطابق الیکشن کمیشن نے آئندہ عام انتخابات میں جدید ٹیکنالوجی کے استعمال کے لیے حکومت کو فنڈز جاری کرنے سے متعلق خط بھی لکھ دیا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News