گوادر میں مولانا ہدایت الرحمان نے اپنے مطالبات کیلئے دھرنا دیا ہوا ہے ، ظہور بلیدی

Web Desk

30th Nov, 2021. 05:36 pm

ظہور بلیدی نے کہا ہے کہ گوادر میں مولانا ہدایت الرحمان نے اپنے مطالبات کیلئے دھرنا دیاہوا ہے۔

 صوبائی وزیر پی اینڈ ڈی ظہور بلیدی نے پریس کانفرنس کرتے ہوئے کہا ہے کہ مولانا ہدایت نے گوادر میں جیسے ہی دھرنے کا اعلان کیاتھا تو حکومت نے تمام مطالبات پر عمل درآمد شروع کردیا ، مولانا ہدایت الرحمان سے میرے تین مذاکراتی دور گزرے۔

انہوں نے کہا کہ مولانا ہدایت الرحمان کےمطالبات جائز اور عوامی ہیں ، جیسے ہی حکومت بنی سروس ڈیلیوری میں جو کمی تھی پوری کرنے کی کوشش کی ، مکران ڈویژن کے تمام ایم پی ایز نے نئی حکومت کیلئے کوششیشں کیں ، ہم نے ابھی نئی حکومت بنائی۔

صوبائی وزیر پی اینڈ ڈی نے کہا نے کہا کہ مولانا صاحب سے کہا ٹرالنگ ایشو پر 8 ٹرالرز کارروائی کے طورپکڑے ہیں ، مولانا سے کہا اگر یقین نہیں تو کوئی نمائندہ بھیج کر دیکھ لیں ، ٹرالنگ کے حوالے سے سندھ حکومت سے بھی بات کرینگے ، ٹوکن سسٹم بھی ختم کردیا گیاہے۔

ظہور بلیدی نے کہا کہ مولانا کے مطالبے سے پہلے ہی چیک پوسٹوں کے حوالےسے ہم کام کررہے ہیں ، مولانا خود یہ اعتراف کرچکے ہیں کہ چیک پوسٹوں کے حوالے سے کافی بہتری آئی ہے ، ان کے مطالبے کے مطابق شراب خانوں پر پابندی لگادی گئی ہے ، حکومت بلوچستان مولانا ہدایت کی ڈیمانڈ کے حوالے سے سیریس ہے۔

انہوں نے کہا کہ انتظامیہ کے مزاکرات ناکام ہونے پر مجھ سمیت وزراء گوادر گئے ، مولانا سے کہا برائے مہربانی مزاکرات کے دروازے بند نا کرے ، مولانا نے خود اپنے تقاریر میں کہاہے کہ کچھ مطالبات پر عمل درآمد ہورہاہے۔

صوبائی وزیر پی اینڈ ڈی ظہور بلیدی نے کہا کہ مولانا ہدایت الرحمان سے کہتا ہوں کچھ وقت دیں کچھ مطالبات پر قانون سازی کی ضرورت ہے ، مولانا ہدایت الرحمان سے کہا کہ عوام کی خدمت ہمارا اور آپ کا مقصد ایک ہے۔

Square Adsence 300X250