صدر پی ٹی آئی آزاد کشمیر تنویر الیاس نے کہا ہے کہ نیلم ویلی کی تعمیر و ترقی ہماری ترجیحات میں شامل ہے۔

سردار تنویر الیاس نے آزاد کشمیر لائن آف وادی نیلم کے مقام پر عوامی جلسے سے خطاب کرتے ہوئے کہا کہ میں تحریک انصاف آزاد کشمیر وادی نیلم کی غیور عوام کو سلام پیش کرتا ہوں، آزاد کشمیر سیاحت میں نیلم ویلی کا ایک مقام ہے۔

ان کا کہنا تھا کہ نیلم ویلی کی تعمیر و ترقی ہماری ترجیحات میں شامل ہے، ہم نیلم میں سیاحت کے فروغ کے لئے انقلابی اقدامات کر رہے ہیں، نیلم کی بہادر عوام نے جس طرح بھارتی جارحیت کا مقابلہ کیا اس کی مثال نہیں ملتی، نیلم کے قدرتی حسن کی وجہ سے آزاد کشمیر دنیا میں پہنچانا جاتا ہے۔

انہوں نے کہا کہ میں کنٹرول لائن پر کھڑے ہو کر کہتا ہوں کہ بھارت آگ سے کھیل رہا ہے، میں مقبوضہ کشمیر کے بہنوں اور بھائیوں کی جدوجہد کو سلام پیش کرتا ہوں۔

صدر پی ٹی آئی آزاد کشمیر تنویر الیاس کا مزید کہنا تھا کہ وہ دن جلد آنے والا جب کشمیری آزادی کی صبح دیکھیں گے۔