منیجنگ ڈائریکٹر سوئی ناردرن علی جے ہمدانی نے سردیوں میں گھریلو صارفین کو بلا تعطل گیس کی فراہمی یقینی بنانے اور سسٹم کی بہتری کے لئے ہدایات جاری کر دیں ہیں۔
علی جے ہمدانی نے سینئر انتظامیہ کے ہمراہ بہاولپور ریجنل آفس کا دورہ کیا جس میں منیجنگ ڈائریکٹر کو موسمِ سرما میں لوڈ مینجمنٹ، آپریشنل سرگرمیوں، شکایتی مراکز اور یو ایف جی کے کنٹرول سرگرمیوں کے بارے میں بریفنگ دی گئی۔
ریجنل مینیجر نے منیجنگ ڈائریکٹر اور سینئر مینجمنٹ کو ریجن کی کامیابیوں کے بارے میں بتایا جس میں یو ایف جی کے نقصانات میں نمایاں کمی شامل تھی۔
منیجنگ ڈائریکٹر نے افسران اور اسٹاف پر زور دیا کہ وہ صارفین کے لئے بہترین کسٹمر سروس کی فراہمی یقینی بنائیں، مزید براں منیجنگ ڈائر یکٹر نے سردیوں میں گھریلو صارفین کو بلا تعطل گیس کی فراہمی یقینی بنانے اور سسٹم کی بہتری کے لئے بھی ہدایات جاری کیں۔
منیجنگ ڈائریکٹر نے سینئر مینجمنٹ کے ہمراہ ریجنل آفس کے مختلف سیکشنز کا دورہ کیا اور افسران اور عملے کے ارکان سے بات چیت کی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News