خرم شیر زمان کا کہنا ہےکہ ٹاؤنز بناکرکراچی کو مزید توڑا جارہا ہے۔
پی ٹی آئی رہنماء خرم شیر زمان نے سندھ میں نئے بلدیاتی نظام سے متعلق بیان میں سندھ حکومت کے پیش کردہ بل کو کالا قانون قراردے دیا۔
ان کا کہنا ہےکہ سندھ حکومت نےعجلت میں بل پیش کرکے جمہوریت کا قتل کردیا، بل میں سندھ حکومت نے اپنے مفادات کو ترجیح دی۔
خرم شیر زمان کا کہنا تھا کہ سندھ حکومت نے پہلے اضلاع بناکر کراچی کو تقسیم کیا اوراب ٹاؤنز بناکر مزید کراچی کو توڑا جارہاہے، ان کا مقصد صرف زیادہ ٹاؤنز کی آڑ میں زیادہ پیسہ بٹورنا ہے۔
پی ٹی آئی رہنما نے کہاکہ شو آف ہینڈز کو خفیہ رائے شماری کیا گیا تاکہ لوگوں کے ضمیر خریدے جاسکیں،13 سالوں سے یہ لوگوں کا پیسہ لوٹ رہے ہیں، انتخابات میں پیسے کے زور پر یہ اپنے ناظم اور مئیر لائیں گے۔
Advertisement
ان کا کہنا تھا کہ ملیر کنٹونمنٹ میں تحریک انصاف کی اکثریت کے باوجود پی پی کا وائس پریزیڈنٹ آگیا، یہ پی پی کی ضمیر فروشی کی زندہ مثال سامنے ہے۔
خرم شیر زمان لکا مزید کہنا تھا کہ انتخابات میں خفیہ رائے شماری کے عمل کیخلاف ہم عدالت جائیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
