پاکستان شوبز انڈسٹری کی معروف اداکارہ حرا ترین نے ماہرہ خان کو پاکستان کی شاہ رخ خان کہہ دیا۔
حال ہی میں اداکارہ حرا ترین نے اپنے شوہر علی سفینا کے ہمراہ ایک نجی ٹی وی چینل کے پروگرام میں شرکت کی تھی۔
دورانِ پروگرام اداکارہ نےاپنی ازدواجی زندگی، معاشرتی مسائل سمیت اپنے کیرئیر کے حوالے سے بات چیت کی۔
پروگرام میں میزبان احسن خان کی جانب سے ایک سیگمنٹ رکھا گیا جس میں اداکارہ کو یہ بتانا تھا کہ اُنہیں کس اداکارہ کی اداکاری پسند نہیں۔
اس سیگمنٹ کے دوران علی سفینا نے اہلیہ کی طرف سے جواب دیتے ہوئے کہا کہ حرا کو ماہرہ خان کی اداکاری پسند نہیں۔
شوہر کی بات سے متفق نہ ہوتے ہوئے حرا ترین نے کہا کہ مجھے ماہرہ خان کی اداکاری بہت پسند ہے بلکہ شوبز انڈسٹری میں سب سے زیادہ اُن کا کام ہی پسند آتا ہے۔
اداکارہ حرا ترین نے کہا کہ ماہرہ خان تو پاکستان کی شاہ رخ خان ہیں۔
دوسری جانب علی سفینا نے کہا کہ ماہرہ کام اچھا کرتی ہیں لیکن میرے خیال میں اُنہیں مزید اپنی اداکاری پر کام کرنے کی ضرورت ہے۔
واضح رہے کہ اداکارہ حرا ترین اور علی سفینا نے سال 2013 میں شادی کی تھی۔
اس جوڑی کے ہاں شادی کے چار سال بعد دسمبر 2017 میں پہلی بیٹی کی پیدائش ہوئی تھی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News