الیکشن کمیشن کو چاہیے آئندہ الیکشن ای وی ایم پر کروائے، فواد چوہدری

وریشہ مسعودویب ایڈیٹر

30th Nov, 2021. 05:25 pm
فواد چوہدری

فواد چوہدری نے کہا ہے کہ الیکشن کمیشن کو چاہیے آئندہ الیکشن ای وی ایم پر کروائے۔

وفاقی وزیر اطلاعات و نشریات فواد چوہدری نے پریس کانفرنس کرتے ہوئے کہا کہ آج کورونا کی نئی قسم پر اسد عمر اور فیصل سلطان نے بریفنگ دی، معلوم ہوا ہے کہ یہ بہت تیزی سے پھیلتا ہے اور یہ دس گنا ذیادہ رفتار سے پھیل رہا ہے۔

انہوں نے کہا کہ آج کابینہ نے صوبائی حکومتوں اور عوام کو کہا ہے کہ فوری ویکسین لگوائیں، ہم پانچویں قسم کو بھی شکست دیں گے۔

وفاقی وزیر اطلاعات و نشریات کا کہنا تھا کہ الیکشن کمیشن کو چاہیے آئندہ الیکشن ای وی ایم پر کروائے،الیکشن کمیشن کو فنڈز بھی تبھی ملیں گے۔

فواد چوہدری کا یہ بھی کہنا تھا کہ ہم نے اس سال ریکارڈ چاول پیدا کیا۔ اب مسلسل قیمتوں میں کمی آئی ہے، ایک ماہ کے اندر چینی 60 روپے سستی ہوئی ہے جبکہ ٹماٹر 15،پیاز، چکن، چاول، ایل پی جی سستا ہوا۔

وفاقی وزیر اطلاعات و نشریات فواد چوہدری کا مزید کہنا تھا کہ کراچی اور حیدرآباد میں بدقسمتی سے تیس سال حکومت کرنے والوں سے قیمتیں کنٹرول نہیں کرسکے، وزیراعلیٰ سندھ ان قیمتوں کو کنٹرول کرے۔

Square Adsence 300X250

مزید پڑھیں