کراچی: پولیس نے سنگین جرائم میں ملوث مفرور ملزمان کو گرفتار کرلیا

Tanzeela qureshi

28th Nov, 2021. 02:11 pm

کراچی میں ویسٹ پولیس نے سنگین جرائم میں ملوث مفرور ملزمان کو گرفتار کرلیا ہے۔

تفصیلات کے مطابق ایس ایس پی ویسٹ سوہائی عزیز کا کہنا ہے کہ ملزمان قتل سمیت پولیس مقابلہ جیسے سنگین مقدمات میں مفرور و مطلوب تھے، مفرور ملزمان کی گرفتاریاں تھانہ پیرآباد، مومن آباد اور منگھوپیر سے عمل میں لائی گئیں۔

سوہائی عزیز نے کہا کہ ملزمان جان اصغر اور یار اصغر تھانہ پیرآباد کے مقدمہ الزام نمبر 201/2012 بجرم دفعہ 302/324/34 میں مفرور و مطلوب تھے، ملزم آصف تھانہ مومن آباد کے مقدمہ الزام نمبر 688/2010 بجرم دفعہ 302/34 میں مفرور و مطلوب تھا جبکہ ملزم راحیل تھانہ منگھوپیر کے مقدمہ الزام نمبر 35/2021 بجرم دفعہ 224/353/324/34 میں مفرور و مطلوب تھا۔

ایس ایس پی ویسٹ سوہائی عزیز کا کہنا تھا کہ ملزمان کو ضابطہ کے تحت گرفتار کر کے مزید قانونی کارروائی کے لئے متعلقہ تفتیشی حکام کے حوالے کر دیا گیا ہے۔

Square Adsence 300X250

مزید پڑھیں