شعیب ملک اور ثانیہ مرزا نے  ریٹائرمنٹ سے متعلق کیا کہا؟

Web Desk

28th Nov, 2021. 12:21 am

پاکستان کرکٹ ٹیم کے مایہ ناز آل راأنڈر شعیب ملک اور اُن کی اہلیہ ٹینس اسٹار ثانیہ مرزا نے کھیل سے اپنی اپنی ریٹائرمنٹ سے متعلق گفتگو کی ہے۔

تفصیلات کے مطابق کراچی میں منعقدہ تقریب سے شعیب ملک اور ثانیہ مرزا نے خطاب کیا اور اپنے اپنے کھیل سے جڑی خواہشات کا اظہار بھی کیا۔

شعیب ملک نے بتایا کہ ریٹائرمنٹ سے قبل ایک روزہ کرکٹ ورلڈ کپ جیتنا چاہتا تھا۔

انہوں نے کہا کہ چیمپئنز ٹرافی اور ٹی ٹوئنٹی ورلڈ کپ جیت چکا ہوں اب ایک ایونٹ رہ گیا ہے اور وہ ون ڈے ورلڈ کپ ہے، اس بار ٹی ٹوئنٹی ورلڈ کپ جیتنے کے قریب تھے۔

ریٹائرمنٹ سے متعلق انہوں نے کہا کہ فی الحال کوئی ارادہ نہیں، جب بھی کرکٹ چھوڑوں گا، عزت کے ساتھ چھوڑوں گا، کپتان نے مجھ سے کہا ہے کہ وہ مجھے ٹیم میں چاہتے ہیں۔

ثانیہ مرزا نےاپنی ریٹائرمنٹ کے حوالے سے کہا کہ میں ٹینس چھوڑنے سے قبل مزید 2 گرینڈ سلم جیتنا چاہتی ہوں۔

انہوں نے بتایا کہ میں کئی بار کراچی آچکی ہوں اور ہمیشہ ہی یہاں اچھا استقبال ہوتا ہے۔

Square Adsence 300X250