بالی ووڈ اداکارہ نے ڈگری ملنے پر ملالہ کو کیا کہا؟

شبین رضاویب ایڈیٹر

28th Nov, 2021. 10:54 am

بالی ووڈ کی نامور خوبرو اداکارہ اور ماڈل دیا مرزا نے نوبل انعام یافتہ انسانی حقوق کی سرگرم کارکن ملالہ یوسفزئی کو آکسفورڈ کی ڈگری ملنے پر مبا رکباد دی ہے۔

اداکارہ دیا مرزا نے سماجی رابطے کی ویب سائٹ ٹوئٹر پر پُرجوش انداز میں ملالہ یوسفزئی کو ڈگری ملنے کی مبارکباد دی۔

واضح رہےکہ نوبل انعام یافتہ ملالہ یوسف زئی نے برطانیہ کی آکسفورڈ یونیورسٹی سے گریجویشن مکمل کرلی ہے۔

ملالہ یوسفزئی نے گزشتہ روز سوشل میڈیا پر اپنی گریجویشن کی تصاویر پوسٹ کیں جن میں انہیں اپنے شوہر، والدین اور دوستوں کے ساتھ خوشی مناتے دیکھا جا سکتا ہے۔

ملالہ یوسفزئی نے آکسفورڈ یو نیورسٹی سے فلسفہ، سیاسیات اور معاشیات میں گریجویشن کیا ہے۔ گریجویشن کی تقریب کا انعقاد مئی 2020 میں ہونا تھا لیکن کورونا وبا کی وجہ سے یہ تقریب لگ بھگ ڈیڑھ سال بعد منعقد کی گئی۔

ملالہ یوسفزئی کے والد ضیاالدین یوسف زئی نے سوشل میڈیا پر اپنے پیغام میں لکھا کہ یہ ہمارے لیے خوشی اور شکر ادا کرنے کا موقع ہے۔

واضح رہے کہ طالبان کے حملے میں ملالہ یوسف زئی شدید زخمی ہوگئی تھیں ، انہیں علاج کے لیے برطانیہ منتقل کیا گیا جہاں سے انہوں نے اپنی تعلیم مکمل کی، چند روز قبل وہ برطانیہ ہی میں رشتہ ازدواج سے بھی منسلک ہوئی ہیں۔

Square Adsence 300X250