پاکستان اور آسٹریلیا کی ٹیمیں آج ٹی ٹوئنٹی ورلڈ کپ کے دوسرے سیمی فائنل میں مدمقابل آئیں گی۔

دونوں ٹیموں کے مابین میچ دبئی میں پاکستانی وقت کے مطابق شام 7 بجے کھیلا جائے گا۔

𝐒𝐞𝐦𝐢-𝐟𝐢𝐧𝐚𝐥 2️⃣

Who's winning this one?#T20WorldCup pic.twitter.com/xF1pXG4fmT

Advertisement

— ICC (@ICC) November 11, 2021

گزشتہ روز پاکستان کرکٹ ٹیم کے کیمپ سے یہ اطلاعات سامنےآئی تھیں کہ وکٹ کیپر بلے باز محمد رضوان اور مڈل آرڈر میں کھیلنے والے شعیب ملک کو فلو ہوگیا ہے۔

ٹیم انتظامیہ کا کہنا ہے کہ دونوں کھلاڑیوں کے کورونا ٹیسٹ کیے گئے جو منفی آئے تھے تاہم دونوں کھلاڑیوں کی مانیٹرنگ کی جارہی ہے اور میچ میں کھلانے یا نہ کھلانے کا فیصلہ میچ سے کچھ دیر قبل ہی کیا جائے گا۔

https://twitter.com/TheRealPCB/status/1458506653012221952

ذرائع کا کہنا ہے کہ شعیب ملک اور محمد رضوان کی طبیعت بہتر نہ ہونے کی صورت میں سرفراز احمد اور حیدر علی کو پلئینگ الیون میں شامل کیا جائے گا۔

واضح رہے کہ یہ پہلا موقع نہیں جب پاکستان اور آسٹریلیا کسی بھی آئی سی سی عالمی کپ کے ناک آؤٹ مرحلے میں مد مقابل  آئیں گے۔

اس سے قبل پاکستان اور آسٹریلیا پانچ مرتبہ ناک آؤٹ مقابلے میں مدمقابل آئے اور پانچوں مرتبہ آسٹریلیا کو ہی فتح نصیب ہوئی۔

دونوں ٹیمیں 2010  کے ٹی ٹوئنٹی ورلڈکپ کے سیمی فائنل میں سنسنی خیز مقابلے سے شائقین کو محظوظ کرچکی ہیں جہاں مائیکل ہسی نے جادوگر کے نام سے مشہور اسپنر سعید اجمل کو لگاتار تین چھکے لگاکر پاکستان سے یقنی فتح چھین لی تھی۔

سوشل میڈیا پر شائقین کرکٹ کے ساتھ ساتھ خود سعید اجمل کی جانب سے بھی قومی ٹیم سے اس شکست کا بدلہ لینے کا مطالبہ کیا جارہا ہے۔

Ye badla lena apka kam hay😉 #pakistan @realshoaibmalik @AasifAli2018 @babarazam258 lets do this!!

Advertisement

Click the link to watch new YouTube video 👇🏻https://t.co/Vs9rEh8taU#shoaibmalik #PAKVSAUS #wc2010 #hussey #saeedajmal pic.twitter.com/HmfhKs6dxX

— Saeed Ajmal (@REALsaeedajmal) November 7, 2021

یاد رہے کہ ٹی ٹوئنٹی ورلڈ کپ 2021 میں پاکستان واحد ناقابل شکست ٹیم ہے اور بابر الیون نے 5 میچز کے دوران ٹیم میں کوئی تبدیلی نہیں کی ہے۔

دوسری جانب گزشتہ روز کھیلے گئے پہلے سیمی فائنل میں نیوزی لینڈ نے سنسنی خیز مقابلے کے بعد انگلینڈ کو 5 وکٹوں سے شکست دے دی تھی۔

۔