انڈیا کے چیف آف ڈیفینس سٹاف جنرل بپن راوت کی آخری رسومات جمعے کو دہلی کینٹ میں ادا کی جائیں گی۔
گزشتہ روز بھارتی میڈیا رپورٹس کے مطابق ریاست تمل ناڈو کے علاقے کنور میں فوجی ہپلی کاپٹر گر کر تباہ ہوگیا جس کے نتیجے میں ہیلی کاپٹر میں سوار 13 افراد ہلاک ہوگئے ہیں جس میں بھارتی چیف آف ڈیفنس اسٹاف جنرل بپن راوت اور ان کی اہلیہ بھی شامل ہیں۔
انڈین فضائیہ کے مطابق جنرل بپن راوت ڈیفینس سروسز اسٹاف کالج جا رہے تھے جہاں اُنھیں اسٹاف کورس کے طلبہ افسران اور اساتذہ سے خطاب کرنا تھا۔
یہ بھی پڑھیں: بھارتی چیف آف ڈیفنس جنرل بپن راوت ہیلی کاپٹر حادثے میں ہلاک
دوسری جانب اتراکھنڈ حکومت نے جنرل راوت کی موت پر تین روزہ سرکاری سوگ کا اعلان کیا ہے، جنرل راوت کا تعلق اتراکھنڈ سے ہے اور وہ وہیں پیدا ہوئے تھے۔
انڈیا کی فضائیہ کے مطابق جو ہیلی کاپٹر حادثے کا شکار ہوا وہ روسی ساختہ اور ایم آئی 17 وی فائیو ماڈل کا تھا۔
انڈین فضائیہ کا کہنا ہے کہ اس حادثے کی تحقیقات کا حکم دے دیا گیا ہے۔
یہ بھی پڑھیں: جنرل بپن راوت کون ہیں؟
بھارتی فضائیہ کے مطابق ہیلی کاپٹر حادثے میں زندہ بچ جانے والے خوش نصیب شخص کی شناخت بھارتی فضائیہ کے گروپ کیپٹن ورون سنگھ کے نام سے ہوئی جو ڈیفنس سروسز اسٹاف کالج کے ڈائریکٹنگ اسٹاف تھے اور اس وقت انہیں اسپتال میں طبی امداد دی جارہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News