بہاولپور میں کالج کی تقریب میں لڑکوں نے لڑکیوں کے بھیس میں ڈانس کیا جس پر وزیراعلیٰ پنجاب عثمان بزدار نے نوٹس لے لیا ہے۔ 

سوشل میڈیا پر ایک ویڈیو وائرل ہورہی ہے جس میں کالج کی ایک تقریب کی دوران چند لڑکیوں کو مختلف گانوں پر رقص کرتا ہوا دیکھا جاسکتا ہے لیکن ویڈیو کی دلچسپ بات یہ ہے کہ اس میں نظر آنے والی لڑکیاں دراصل لڑکے ہیں ، جنہوں نے بھیس بدل کر ڈانس کیا۔

سوشل میڈیا پر وائرل ہونے والی ویڈیو بہاولپور کی تحصیل حاصل پور کے نجی کالج کی ہے جس کی ایک تقریب مقامی شادی ہال میں رکھی گئی تھی جس میں لڑکوں نے لڑکیوں کے بھیس میں ڈانس کیا۔

I'm not against parties, extra curriculum activities, and even dance and music at colleges and varsities. But showering currency notes in mujra-type dance that too at educational institutes and in the name of cultural activity can't be supported. pic.twitter.com/HryThev3rj

Advertisement

— Arshad Yousafzai (@Arshadyousafzay) December 7, 2021

ویڈیو وائرل ہونے کے بعد ڈائریکٹر کالجر نے اپنے بیان میں کہا کہ ہم ویڈیو کا جائزہ لے رہے ہیں اور اگر اس میں غیراخلاقی مواد پایا گیا توسخت کارروائی کریں گے۔

دوسری جانب وزیر اعلیٰ پنجاب عثمان بزدار نے بھی ویڈیو وائرل ہونے کے بعد کالج کی تقریب کے دوران لڑکوں کی جانب سے بھیس بدل کر ڈانس کرنے کے معاملے کا نوٹس لیتے ہوئے کمشنر بہاولپور سے رپورٹ طلب کرلی ہے۔

ادھر کمشنر نے اسسٹنٹ کمشنر حاصل پور کی سربراہی میں تین رکنی کمیٹی قائم کردی ہے جسے واقعے کی انکوائری کرنے کی ہدایات دی گئی ہیں۔