مقبوضہ وادی میں بھارتی فورسز کی ریاستی دہشت گردی کا سلسلہ جاری ہے، اس جعلی آپریشن کے نتیجے میں مزید 3 نوجوانوں کو شہید کردیا گیا ہے۔

کشمیر میڈیاسروس کے مطابق بھارتی فوجیوں نے نوجوانوں کو ضلع کے علاقے چک چولان میں محاصرے اور تلاشی کی کارروائی کے دوران شہید کیا۔

سرچ آپریشن کی آڑ میں فوجیوں نے بھاری ہتھیاروں اور کیمیائی مواد کا استعمال کرتے ہوئے علاقے میں ایک رہائشی مکان کو بھی تباہ کیا، آخری اطلاعات تک علاقے میں بھارتی فوج کا آپریشن جاری تھا۔

یہ بھی پڑھیں: بھارتی فوج کی فائرنگ سے 13 بے گناہ کانکن ہلاک

جعلی سرچ آپریشن کے دوران قابض انتظامیہ نے علاقے میں انٹرنیٹ سروس بھی معطل کردی ہے جبکہ میڈیا نمائندگان کو آپریشن کی کوریج سے روک دیاہے۔

دوسری جانب بھارت کے غیر قانونی زیر قبضہ جموں وکشمیر میں کل جماعتی حریت کانفرنس نے مقبوضہ علاقے میں انسانی حقوق کی بگڑتی ہوئی صورتحال پر تشویش کا اظہار کیا ہے۔

یہ بھی پڑھیں : معذوروں کے عالمی دن کے موقع پر مقبوضہ کشمیر میں بھارتی بربریت پر رپورٹ جاری

حریت کانفرنس کے ترجمان نے سرینگر میں جاری ایک بیان میں مقبوضہ علاقے میں کشمیریوں کی منظم نسل کشیُ، ماورائے عدالت قتل، مذہبی،سیاسی اور سماجی آزادیوں پر قدغن ،کشمیری خواتین کی بے حرمتی ،جبری گرفتاریوں اور بدترین ظلم وتشددکے واقعات میں اضافے کی شدید مذمت کی ہے۔