پیٹرولیم مصنوعات کی قیمتوں میں کمی آئیگی،مشیر تجارت

Web Desk

03rd Dec, 2021. 07:24 pm

مشیر تجارت عبدالرزاق داؤد نے کہا ہے کہ پیٹرولیم مصنوعات کی قیمتوں میں کمی آئی گی۔

تفصیلات کے مطابق مشیر تجارت عبدالرزاق داؤد نے میڈیا سے گفتگو کرتے ہوئے کہا کہ انرجی اور خام مال کی درآمد میں اضافہ ہوا، خام مال میں اضافہ اچھی بات ہے جس سے صنعتیں چلتی ہیں۔

ان کا کہنا تھا کہ گھبرانے کی کوئی بات نہیں ہے، پیٹرولیم مصنوعات کی قیمتوں میں کمی آئیگی۔

Advertisement

 مشیر تجارت کا کہنا تھا کہ ویکسین کی درآمد عالمی بینک اور اے ڈی بی کی فنڈنگ سے ہورہی ہے۔

مشیر تجارت عبدارزاق داؤد کا مزید کہنا تھا کہ نومبر میں برآمدات 2.9 ارب ڈالر کی تاریخی سطح پر آئیں، ماہ دسمبر میں 3 ارب ڈالر کی برآمدات ہوجائیں گی۔

دوسری جانب مشیر خزانہ شوکت ترین نے اسلام آباد میں پریس کانفرنس کرتے ہوئے کہا کہ تین بڑی خبریں آئیں جس کی وجہ سے مارکیٹ متاثر ہوئی، پہلی خبر یہ تھی کہ مہنگائی نومبر میں 11.5بڑھی، دوسری خبر یہ تھی کہ برآمدات 7.7ارب ڈالر رہیں اور تیسری خبر اسٹیٹ بینک کی مانیٹری پالیسی میں ڈسکاؤنٹ ریٹ 8.75 تک پہنچنے سے متعلق تھی۔

مشیر خزانہ کا کہنا تھا کہ حکومت نے ٹریژری بل 10.75 فیصد پر اٹھائے ہیں، مہنگائی درآمدی اشیاء کی وجہ سے ہے، جبکہ 4 چیزوں کی درآمد میں اضافہ ہوا جس کی وجہ سے امپورٹ بل بڑھا ہے۔

Square Adsence 300X250