کترینہ کیف کی شادی میں رنبیر کپور کے گانوں پر پابندی کیوں؟

اریبہ نثارویب ایڈیٹر

07th Dec, 2021. 08:54 pm

بالی ووڈ کے اداکار رنبیر کپور کی سابقہ گرل فرینڈ دپیکا پڈوکون کے بعد اب کترینہ کیف بھی شادی کرنے والی ہیں۔

غیر ملکی خبر رساں ادارے کے مطابق کترینہ کی شادی پرسلمان خان کے باڈی گارڈز کترینہ کیف کی سیکیورٹی کے معلامات دیکھیں گے۔

تاہم رپورٹس کے مطابق اس شادی میں سابق بوائے فرینڈ رنبیر کپور کی انٹری اور اُن پر فلمائے گئے گانوں پر پابندی ہوگی۔

یاد رہے کہ بھارتی اداکار وکی کوشل سے جَلد ہی شادی کے بندھن میں بندھنے والی کترینہ کیف بالی ووڈ انڈسٹری کے بھائی سلمان خان اور چاکلیٹی ہیرو رنبیر کپور کے ساتھ تعلقات میں رہ چکی ہیں۔

بھارتی میڈیا رپورٹس کے مطابق کترینہ کیف کی شادی پر رنبیر کپور مدعو نہیں ہیں لیکن اداکار رنبیر کپور کی حالیہ گرل فرینڈ اور ان کی ہونے والی اہلیہ عالیہ بھٹ شرکت کریں گی۔

تاہم کترینہ کیف کی شادی پر رنبیر کپور پر  فلمائے گئے گانے، کترینہ اور رنبیر کے ساتھ پکچرائز کیے گئے  گانے بجانے پر پابندی ہوگی۔

جبکہ  کترینہ اور وکی کی خوبصورت جوڑی متعدد مشہور گانوں ’کالا چشمہ‘، تیری اور‘ اور دیگر  گانوں پر اپنی ڈانس پرفارمنس بھی دیں گے۔

واضح رہے کہ آج کل سوشل میڈیا پر کترینہ کیف کی شادی کی باتیں چل رہی ہیں۔

Square Adsence 300X250