عالمی کرکٹ کے قدیم روایتی حریف آسٹریلیا اور انگلینڈ کے مابین ایشز سیریز کھیلی جاتی ہے۔
اس سیریز کی ابتدا 83-1882 میں ہوئی تھی، اب تک 71 سیریز کا انعقاد ہو چکا ہے جس میں سے آسٹریلیا 33 سیریز اپنے نام کر چکا ہے جبکہ انگلینڈ نے اس قدیم رکھ کی ٹرافی پر 32 مرتبہ قبضہ جمایا ہے، اور چھ سیریز بے نتیجہ رہی ہیں۔
اس سیریز میں مجموعی طور پر اب تک 335 میچز کھیلے گئے ہیں جن میں سے 136 میچز آسٹریلیا کے نام رہے اور 108 میچز میں انگلینڈ نے کامیابی کے قدم چومے، جبکہ 91 ٹیسٹ میچز بے نتیجہ رہے۔
آخری سیریز 2019 میں انگلینڈ میں کھیلی گئی تھی جو 2-2 سے برابر ہوئی تھی۔ یہ انگلینڈ میں کھیلی جانے والی واحد سیریز تھی جس کو انگلینڈ بمشکل برابر کر پایا تھا۔
انگلینڈ کو یہ اعزاز بھی حاصل ہے کہ اس نے آسٹریلیا کو مسلسل 8 سیریز میں شکست سے دوچار کیا تھا۔
انگلینڈ اور آسٹریلیا کے مابین ہونے والی اس سیریز کے دوران اب تک سر ڈان بریڈمین وہ واحد بلے باز ہیں جنہوں نے سب سے زیادہ 5028 رنزبنائے ہیں، جبکہ آسٹریلوی لیگ اسپنر شین وارن 195 وکٹس کے ساتھ سرفہرست ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News