پاکستان میں ٹی ٹوئنٹی سیریز کے لئے ویسٹ انڈیز کی کرکٹ ٹیم آج کراچی پہنچ گئی ہے۔

تفصیلات کے مطابق مہمان ٹیم دبئی کے راستے کراچی پہنچی ہیں جبکہ سیکوریٹی کے سخت ترین انتظامات کے ساتھ ہوٹل منتول کر دیا گیا ہے۔

ٹیم کی آمد کے بعد کوویڈ19 ٹیسٹ کیے گئے، حکام کے مطابق تمام کھلاڑی کورونا وائرس کے رزلٹ منفی آنے تک ہوٹل میں قرنطینہ میں رہیں گے۔

جمعہ کو کراچی نیشنل اسٹیڈیم میں پہلا پریکٹس سیشن ہوگا اور سیریزکا باقاعدہ آغاز 13 سے ہوگا جو 22دسمبر تک جاری رہے گا۔

تین ٹی ٹوئنٹی میچز اور اتنے ہی اور آئی سی سی مینز کرکٹ ورلڈ کپ سپر لیگ میچز ہوں گے، ٹی ٹوئنٹی سیریز میں ویسٹ انڈیز کی قیادت نکولس پوران کریں گے جبکہ ون ڈے میچز کی کپتانی شائی ہوپ کریں گے۔

یاد رہے کہ کیرون پولارڈ انجری کے سبب دستبردار ہوگئے تھے۔

یہ بھی پڑھیں:  پولارڈ کے دورہ پاکستان سے باہر ہونے کے بعد نئے کپتان کا اعلان کردیا گیا

پہلا ٹی ٹوئنٹی میچ 13 دسمبر کو شام 6 بجے ہوگا، 14 دسمبر کو دوسرا ٹی ٹوئنٹی میچ کھیلا جائے گا جبکہ تیسرا اور آخری میچ16 دسمبر کو شام 6 بجے ہوگا۔

18 دسمبر کو پہلا ون ڈے انٹر نیشنل میچ کھیلا جائے گا، دوسرا ون ڈے 20 دسمبر کو ہوگا جبکہ 22 دسمبر کو تیسرا اور آخری ون ڈے میچ کھیلا جائے گا۔

یہ بھی پڑھیں: پاک ویسٹ انڈیز سیریز، ٹکٹوں کی آن لائن فروخت شروع

سندھ پولیس کے اسپیشل سیکیورٹی یونٹ ایس ایس یو کی جانب سے نیشنل اسٹیڈیم میں سخت حفاظتی انتظامات کئے گئے ہیں، دونوں ٹیموں کے اسٹیڈیم آنے جانے کیلئے خصوصی سیکیورٹی انتظامات کیے گئے ہیں۔