کورونا کے اومی کرون ویریئنٹ کے باوجود بین الاقوامی مارکیٹ میں خام تیل کی قیمتیں 75 ڈالر فی بیرل پر مستحکم ہیں۔

بین الاقوامی کموڈ یٹی مارکیٹ میں بدھ کے روز خام تیل کی قیمت 75 ڈالر فی بیرل سے زائد پر مستحکم رہی، جو کہ کاروباری ہفتے کے آغاز میں دوسرا بڑا اضافہ ہے۔ اس بابت سرمایہ کاروں کا کہنا ہے کہ یہ کورونا کے اومی کرون ویریئنٹ کی وجہ سے عالمی معیشت اور ایندھن کی بڑھتی ہوئی طلب کے اثرات ہیں۔

کاروبار کے آغاز پر مارکیٹ میں برینٹ کروڈ آئل کی قیمت تقریبا 1 ڈالر اضافے کے بعد 27 سینٹ بڑھ کر 75 ڈالر 17 سینٹ فی بیرل پر پہنچ گئی۔ ٹریڈنگ کی ابتدا میں امریکی کروڈ آئل کی قیمت 72 ڈالر 79 سینٹ تک پہنچی تاہم دن کااختتام 42 سینٹ کمی کے بعد 71 ڈالر 63 سینٹ پر ہوا۔

بین الاقوامی مارکیٹ میں 25 نومبر کے بعد سے برینٹ کروڈ آئل کی قیمت 16 فیصد کمی کے بعد تقریبا 69 ڈالر فی بیرل تک پہنچ گئی تھی، تاہم یکم دسمبر کے بعد سے اس میں 9 فیصد سے زائد کا اضافہ ہوچکا ہے، کیوں کہ اومی کرون ویریئنٹ کے تیل کی طلب پر توقع کے برعکس محدود اثرات مرتب ہوئے۔

کورونا کا نیا ویرئینٹ سامنے آنے کے بعد تیل کی طلب میں کمی کے تحفظات کی وجہ سے قیمت میں تقریبا 2 تہائی تک کمی واقع ہوئی تھی۔ تاہم ابھی تک تیل کی طلب میں اس ویریئنٹ کے کوئی خاص اثرات مرتب نہیں ہوئے ہیں، حالانکہ ہوا بازی کا شعبے کو اس سے سب سے پہلے متاثر ہونا چاہیئے تھا لیکن اس پر بہت کم اثرات مرتب ہوئے ہیں۔