سانحہ سیالکوٹ میں مقتول سری لنکن شہری پریانتھا کمارا دیاوردنا کی جان بچانے کی کوشش کرنے والے ملک عدنان کا کہنا ہے کہ وہ وزیراعظم کی جانب سے ملنے والے اعزاز اور تمغہ شجاعت کو آنجہانی پریانتھا اور سری لنکن عوام کے نام کرتے ہیں۔
ڈپٹی مینیجر راجکو انڈسٹریز ملک عدنان نے وزیراعظم عمران خان کی جانب سے توصیفی سند عطا کرنے اور تمغہ شجاعت کے اعلان پر شکریہ ادا کیا۔
ملک عدنان نے خبر رساں ایجنسی ایسوسی ایٹڈ پریس آف پاکستان (اے پی پی) سے گفتگو میں کہا کہ ہمیں اس طرح کے حالات میں ہمیشہ مظلوم کے ساتھ کھڑا ہونا چاہئے۔
ان کا مزید کہنا تھا کہ مجھے آج بہت فخر محسوس ہو رہا ہے، اس واقعے کے بعد پوری قوم جس طرح میرے ساتھ کھڑی ہوئی اس پر تہہ دل سے مشکور ہوں۔
ملک عدنان نے کہا کہ میرے والدین اور اساتذہ نے تلقین کی کہ ہمشیہ مظلوم کا ساتھ دو چاہے اس فرض کی ادائیگی میں جان ہی کیوں نہ چلی جائے۔
ملک عدنان کا مزید کہنا تھا کہ ہمارے پیارے نبی حضرت محمد ﷺ نے فرمایا کہ جس نے ایک انسان کو بچایا گویا اس نے پوری انسانیت کو بچایا، میں نے بھی انسانیت کو بچانے کا راستہ اپنایا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News