رنگ میں بھنگ ڈالنا پیپلز پارٹی کا پسندیدہ مشغلہ رہا ہے، خرم شیر زمان

Web Desk

05th Dec, 2021. 04:42 pm

صدر پی ٹی آئی کراچی خرم شیر زمان نے کہا ہے کہ رنگ میں بھنگ ڈالنا پیپلز پارٹی کا پسندیدہ مشغلہ رہا ہے۔

خرم شیر زمان نے اپنے جاری کردہ ایک بیان میں کہا کہ آج ثقافتی احترام، امن اور رنگوں کا دن ہے اور رنگ میں بھنگ ڈالنا پیپلز پارٹی کا ہمیشہ سے پسندیدہ مشغلہ رہا ہے۔

ان کا کہنا تھا کہ پیپلز پارٹی نے چینل کی ثقافتی تقریبات روک کر نہ جانے کس کو خوش کیا ہے، تقریبات رکوانے کے پیچھے پی پی کی اعلیٰ قیادت کی منفی تربیت واضح ہو رہی ہے۔

صدر پی ٹی آئی کراچی خرم شیر زمان نے مزید کہا کہ سرکاری مشنری کا استعمال اخلاقیات سے گرنے کے مترادف ہے، خوشی کے موقع پر نامناسب حرکات سر انجام دینا قابلِ شرم ہے۔

واضح رہے کہ وادی سندھ کی صدیوں پرانی تہذیب کو فروغ دینے کے لیے آج سندھ کا ثقافتی دن روایتی جوش و جذبے کے ساتھ منایا جا رہا ہے، اس دن کو منانے کے لیے صوبے بھر میں سرکاری اور غیر سرکاری سطح پر مختلف پروگرام منعقد کیے گئے ہیں۔

عوام کی جانب سے ثقافتی دن پر مختلف مقامات سے ریلیوں کا بھی انعقاد کیا گیا ہے، لوگ سندھ ٹوپی اور اجرک پہن کر سندھ ثقافتی میوزک پر جھوم رہے ہیں اور بچوں کی موج مستیاں بھی جاری ہیں۔

خیال رہے کہ ثقافتی تقریبات میں تقاریر، اسٹیج ڈراماز اور سندھی فنکار اپنے فن کا مظاہرہ کر رہے ہیں۔

Square Adsence 300X250

مزید پڑھیں