گورنر پبجاب چوہدری محمد سرور کا کہنا ہے کہ بل کی منظوری کے لیے ووٹ دینے والے اراکین کو سلام پیش کرتا ہوں۔

سماجی رابطے کی ویب سائٹ ٹوئٹر پر گورنر پبجاب چوہدری محمد سرور نے ویڈیو شیئر کرتے ہوئے لکھا کہ   بل کی منظوری وزیراعظم عمران خان کی اسلامو فوبیا کے خلاف جد وجہود کا نتیجہ ہے۔

امریکی ایوانِ نمائندگان میں اسلاموفوبیا کیخلاف بل منظور ہونا ایک تاریخ ساز اقدام ہے.اس بل کی منظوری دنیا بھر کے مسلمانوں کیلئے ایک اہم سنگِ میل ہے. رکن کانگریس @IlhanMN کو اس تاریخی کامیابی پر خراجِ تحسین پیش کرتے ہیں.#Islamophobia pic.twitter.com/0LzAvRFEZI

— Mohammad Sarwar (@ChMSarwar) December 15, 2021

چوہدری محمد سرور نے لکھا کہ اسلامو فوبیا کے خوفناک رجحان کے خلاف پوری دنیا کو ملکر کام کرنا ہے، اسلامو فوبیا کی سب سے خوفناک اور بھیانک شکل بھارت میں پنجے گاڑھے ہوئے ہے۔

جاری کردہ پیغام میں چوہدری محمد سرور نے مزید لکھا کہ دہشت گرد آر ایس ایس نے بھارتی 20 کروڑ مسلمانوں کے خلاف تشدد کی ایک لہرجاری کر رکھی ہے، گاؤ ماتا کے جیالے جتھوں کی صورت میں بھارت میں مسلماںوں کی زندگیوں سے کھیل رہے ہیں۔

چوہدری محمد سرور نے لکھا کہ اسلام دشمن قوتیں دہشت گردی کو اسلام سے جوڑ تی ہیں جو کسی صورت درست نہیں۔

انہوں نے مزید لکھا کہ  اسلام محبت امن اور بھائی چارے کا درس دیتا ہے۔