پشاور: وزیر دفاع پرویز خٹک کا کہنا ہے کہ کنٹونمنٹ بورڈ سے بات چیت چل رہی، جلد اونچے اونچے پلازے تعمیر کرنے کی اجازت دی جائے گی۔
نجی مال کی افتتاحی تقریب کے موقع پر میڈیا سے گفتگو کرتے ہوئے وزیر دفاع پرویز خٹک نے کہا کہ دنیا اوپر جارہی ہے اور ہمارے ملک میں اونچے گھر، پلازے تعمیر کرنے پر پابندیاں ہیں۔
انہوں نے کہا کہ زرعی زمینوں کو بچانے کے لیے اونچے پلازوں کی تعیمر سے پابندی ہٹانے کا فیصلہ زیرِغور ہے۔
ان کا کہنا تھا کہ طویل محنت کے بعد پشاور کینٹ انتظامیہ سے اس نجی مال کی تعمیر کی اجازت لی ہے۔
وزیردفاع پرویز خٹک نے کہا کہ کوئی ان ہاؤس تبدیلی نہیں ہے، کسی میں جرات نہیں کہ ہماری حکومت گراسکے۔
پرویز خٹک کا مزید کہنا تھا کہ میں وزیراعظم عمران خان کے ساتھ کھڑا ہوں اور اسمبلی میں کوئی جرات نہیں کرسکتا کہ ہماری حکومت کو گرائے۔
وزیر دفاع نے معیشت کے حوالےسے کہا کہ رسد اور طلب برابر ہو جائے تو مہنگائی کی صورتحال بہتر ہوگی۔
انہوں نے مزید کہا کہ کیا آئی ایم ایف کے پاس جانا ہمارا قصور ہے؟ سابق حکمرانوں نے پاکستان کو قرض دار بنایا ہے۔
انہوں نے کہا کہ اپوزیشن کون ہوتی ہے مجھے نوشہرہ آنے سے روکنے والی، میں نے نہ کوئی جلسہ کیا ہے نہ انتخابی مہم چلائی، اپوزیشن سے کہتا ہوں مقابلہ کریں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News