میسیجنگ ایپلی کیشن واٹس ایپ نے اپ ڈیٹس اور نت نئےفیچر متعارف کرانے کی روایت کو برقرار رکھتے ہوئے اپنے استعمال کنندگان کے لیے اینی میٹڈ اسٹیکر پیک متعارف کرادیا ہے۔
واٹس ایپ بی ٹا کی جانب سے اینڈروئیڈ کے لیے پیش کیے گئے اپ ڈیٹ ورژن 2.21.25.19 میں آفیشل اسٹیکر اسٹور میں اینی میٹڈ اسٹیکرز پیک Encanto کے نام سے ریلیز کردیا ہے۔
Encanto اسٹیکر کو واٹس ایپ کے اینڈروئیڈ اور آئی او ایس دونوں کے استعمال کنندگان کے لیے جاری کیا گیاہے۔ دوسری سب سے اہم بات یہ ہے کہ واٹس ایپ کی جانب سے متعارف کرائے گئے دیگر اسٹیکر پیکس کی طرح یہ ریجنل پیک نہیں ہے بلکہ یہ دنیا بھر میں موجود واٹس ایپ اکاؤنٹ ہولڈرز کے لیے دست یاب ہے۔
Advertisement
اگر Encanto اسٹیکر پیک ابھی تک آپ کےاکاؤنٹ کے آفیشل اسٹور پر نظر نہیں آرہا تو پھر ایپلی کیشن کو اپ ڈیٹ کرنے کے بعد یہ دکھائی دے گا۔ لیکن اسے فوری حاصل کرنے کے خواہش مند استعمال کنندگان شارٹ کٹ کے ذریعے اپنے اسٹیکر کلیکشن میں شامل کرسکتےہیں۔
اس اسٹیکر پیک کو فورا حاصل کرنے آپ کو ایک ڈیپ لنک استعمال کرنا ہوگا۔ اس ڈیپ لنک کے ذریعے آپ انکانٹو اسٹیکر پیک کو فوری طور پر اپنے اکاؤنٹ میں حاصل کرسکیں گے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
