سان فرانسسکو: واٹس ایپ نے دنیا بھر میں اپنے لاکھوں صارفین کے اکاؤنٹس ضابطہ اخلاق کی خلاف ورزی کرنے پر بند کر دیئے جن میں بھارتی صارفین سر فہرست ہیں۔
دنیا بھر میں واٹس ایپ کو کروڑوں صارفین رابطہ کے لئے استعمال کرتے ہیں۔ یہ ایک ایسی ایپ جو آپ کو اپنے پیاروں سے رابطے کے لئے بہترین سہولت فراہم کرتی ہے۔
ذرائع کے مطابق واٹس ایپ انتظامیہ نے بند کئے جانے والے اکاؤنٹ کے بارے میں کچھ نئے اعدادو شمار جاری کئے ہیں جس کےمطابق صرف نومبر میں بلاک کئے جانے والے اکاؤنٹس کی کل تعداد 31 لاکھ سے زائد ہے۔
جبکہ واٹس ایپ کی جانب سے بلاک کئے جانے والے اکاؤنٹ کے بارے میں کہا گیا ہے کہ نگرانی کے دوران یہ اکاؤنٹس ضابطہ اخلاق کی خلاف ورزی کے مرتکب پائے گئے تھے اسی بنیاد پر انہیں بند کیا گیا ہے۔
واٹس ایپ کے وہ کون سے ضابطہ اخلاق ہیں جن کی خلاف ورزی سے پر آپ کا اکاؤنٹ عارضی یا مستقل بلاک کیا جاسکتا ہے۔
مارکیٹینگ کے لئے بہت زیادہ پیغامات بھیجنا
واٹس ایپ کی جانب سے ایسے نمبر جن سے اشتہار کی غرض سے پیغامات نامعلوم نمبروں پر تواتر کے ساتھ بھیجے جائیں بلاک کر دیئے جاتے ہیں۔
کسی تیسری پارٹی ایپس کا استعمال
واٹس ایپ کے نام سے پلے اسٹور آئی او ایس اسٹور پر موجود ڈاٹس ایپ ڈیلٹا، جی بی واٹس ایپ اور واٹس ایپ پلس جیسے مختلف ایپس پر اکاؤنٹ بنانے پر اکاؤنٹ بلاک کر دیا جاتا ہے۔
پر تشدد ویڈیوز اورجعلی پیغامات
سوشل میڈیا پراس طرح کی خبروں کا قلع قمع کرنا بہت ضروری ہے یہی وجہ ہے واٹس ایپ نے بھی جعلی ،بے بنیاد پیغامات، خبروں اورتشدد سے بھر پور ویڈیوز کی روک تھام کے لئے بھی سخت قوانین وضع کئے ہیں اسی لئے کسی بھی نمبرسے ایسا مواد بھیجنے والے کا اکاؤنٹ بھی بلاک کر دیا جاتا ہے۔
رپورٹ یا ایک سے زیادہ بار بند ہونے پر
ایسا نمبر جسے صارفین کی جانب سے کئی بار بلاک کیا گیا ہوبند کر دیا جاتا ہے۔
جھوٹا اکاؤنٹ(فیک اکاؤنٹ)
ایسا اکاؤنٹ جو کسی اورکے نام اور نمبر کو استعمال کر کے بنایا جائے تو اس اکاؤنٹ کی شکایت ملنے پر اسے فوراً بند کر دیا جائے گا۔
کیو نکہ واٹس ایپ کی اس ضمن میں واضح ہدایات موجود ہیں جس کے مطابق کسی اور کا اکاؤنٹ اور تصاویراستعمال کرنا ایک غیر اخلاقی فعل ہے جس کی اجازت نہیں دی جاسکتی۔
بہت زیادہ لنکس یا وائرس بھیجنے پر
ایسا نمبر جو واٹس ایپ کو استعمال کرتے ہو ئے وائرس یا دیگر لنکس کو بطور پیغام بھیجتا ہے اسے بھی بند کر دیا جاتا ہے۔
دھمکی آمیز اور غیر اخلاقی پیغامات
واٹس ایپ کے کسی بھی نمبر سے اخلاق سی عاری پیغامات، ویڈیوز،تصاویر،دھمکانے اور ہتک آمیز پیغامات بھیجنے پر بھی اکاؤنٹ بلاک کر دیا جاتا ہے۔
پر تشدد ویڈیوز اورجعلی پیغامات
سوشل میڈیا پراس طرح کی خبروں کا قلع قمع کرنا بہت ضروری ہے یہی وجہ ہے واٹس ایپ نے بھی جعلی ،بے بنیاد پیغامات، خبروں اورتشدد سے بھر پور ویڈیوز کی روک تھام کے لئے بھی سخت قوانین وضع کئے ہیں اسی لئے کسی بھی نمبرسے ایسا مواد بھیجنے والے کا اکاؤنٹ بھی بلاک کر دیا جاتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News