نوجوانوں کو مواقع فراہم کرکے ہاکی کا کھویا ہوا مقام واپس لائیں گے، مراد سعید

Web Desk

09th Dec, 2021. 03:44 pm

وفاقی وزیر مواصلات مراد سعید نے کہا ہے کہ نوجوانوں کو مواقع فراہم کرکے ہاکی کا کھویا ہوا مقام واپس لائیں گے۔

تفصیلات کے مطابق وفاقی وزیر مراد سعید نے کامیاب جوان اسپورٹس ڈرائیو کی تقریب سے خطاب کرتے ہوئے کہا ہے کہ کامیاب جوان پروگرام سے نوجوانوں کے لیے مختلف پروگراموں کا آغاز کیا ہے۔

مراد سعید نے کہا کہ کھیلوں کے فروغ کے لیے کامیاب جوان اسپورٹس ڈرائیو بہترین پروگرام ہے، کامیاب جوان اسپورٹس ڈرائیو کا انعقاد مختلف یونیورسٹیوں میں بھی ہوگا۔

وفاقی وزیر مواصلات کا کہنا تھا کہ کامیاب جوان اسپورٹس ڈرائیو سے نوجوانوں کو پاکستان کی نمایندگی کا موقع ملے گا۔

انہوں نے کہا کہ پاکستان میں ٹیلنٹ کی کوئی کمی نہیں، پاکستان میں نوجوان ہر شعبے میں باصلاحیت ہیں۔

مراد سعید نے کہا کہ کامیاب جوان اسپورٹس ڈرائیو سے نواجوانوں کو وسائل مہیہ کیے جائیں گے۔

انہوں نے مزید کہا  کہ پاکستان کی کرکٹ ٹیم نے نہ صرف میچ جیتا بلکہ مختلف ریکارڈ بھی توڑے ہیں

دوسری جانب فرض حبیب نے کامیاب جوان اسپورٹس ڈرائیو کی تقریب سے خطاب کرتے ہوئے کہا تھا کہ اگر نوجوان کامیاب ہوگا تو پاکستان کامیاب ہوگا۔

انہوں نے کہا تھا کہ کامیاب جوان اسپورٹس ڈرائیو سے ہی اولمپین اور چیمپینز نکلیں گے۔

Square Adsence 300X250