ویڈیو اور تصاویر شیئر کرنے والی مشہورایپ انسٹا گرام نے اپنے نوعمر اور نوجوان استعمال کنندگان کے لیے ایک نیا فیچر متعارف کروادیا ہے، جس کا مقصد اپنے پلیٹ فارم کو نوجوان اور ٹینز کے استعمال کے لیے محفوظ بنانا ہے۔
سوشل میڈیا ایپس اور ٹیکنالوجی پر نظر رکھنے والی ویب سائٹ ’ این گیجٹ‘ کے مطابق انسٹاگرام نے اس نئے فیچر کو ’ ٹیک اے بریک‘ کے نام سے امریکا، برطانیہ، کینیڈا اور آسٹریلیا میں متعارف کروادیا ہے۔
اس فیچر کو ایسے استعمال کنندگان کے لیے تیار کیا گیا ہے جو کہ کچھ وقت کے لیے انسٹا گرام سے وقفہ لینا چاہتے ہیں، تاہم اس فیچر میں ایپ کے بہت زیادہ استعمال سے روکنے کے لیے ریمائنڈر سیٹ کرنے میں بھی مدد ملتی ہے۔
اس فیچر کو انسٹاگرام کے سربراہ ایڈم موسیری کے رواں ہفتے دیے گئے اس بیان کے بعد پیش کیا گیا ہے جس میں انہوں نے آن لائن رہنے والے بچوں کو درپیش خطرات کے بارے میں گفتگو کی تھی۔
انسٹاگرام والدین اور بچوں کے سرپرستوں کے لیے اگلے سال مارچ تک ایک نیا فیچر لانے کی منصوبہ بندی کررہا ہے، جس کی بدولت وہ اپنے بچوں کے انسٹاگرام کی مانیٹرنگ کرسکیں گے کہ ان کے بچے ایپ پر کتنا وقت صرف کر رہے ہیں، کیا الفاظ استعمال کر رہے ہیں، اس کے ساتھ ساتھ وہ انسٹا گرام پر بچوں کے لیے حدود بھی متعین کرسکیں گے۔
اس کے علاوہ انسٹاگرام اگلے ماہ تک ایک اور بہترین فیچر متعارف کروانے والا ہے جس کے ذریعے نوجوان ایپلی کیشن پر موجود اپنی سرگرمیوں کو ہٹانے کے ساتھ ساتھ اپنے لائیک، ڈس لائیک اور تصاویر بھی ایک ساتھ ڈیلیٹ کرسکیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News