سرمایہ کار آئیں ان کو بھرپور تعاون فراہم کیا جائے گا، عبد القیوم نیازی

ویب ڈیسک

28th Dec, 2021. 12:15 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

سرمایہ کار آئیں ان کو بھرپور تعاون فراہم کیا جائے گا، عبد القیوم نیازی

وزیراعظم آزاد جموں وکشمیر سردار عبد القیوم نیازی نے کہا ہے کہ سرمایہ کار آئیں ان کو بھرپور تعاون فراہم کیا جائے گا۔

سرمایہ کاری بورڈ کے ایڈیشنل سیکرٹری مکرم جاہ انصاری کی سربراہی میں وفد کی وزیراعظم آزاد جموں کشمیر سردار عبد القیوم نیازی سے ملاقات ہوئی جس میں سرمایہ کاری کے مواقعوں سمیت مختلف امور پر تبادلہ خیال کیا گیا۔

اس موقع پر ایڈیشنل سیکرٹری سرمایہ کاری بورڈ نے کاروبار میں آسانی کے حوالے سے وزیر اعظم پاکستان کے وژن پر تفصیلی بریفننگ دی۔

بریفنگ دیتے ہوئے کہا گیا کہ سرمایہ کاری بورڈ آسان کاروبار پروگرام میں اہم کردار ادا کر رہا ہے، اس پروگرام کے ذریعے سو سے زائد ریگولیٹری ریفارمز متعارف کی جا چکی ہیں۔

ایڈیشنل سیکرٹری سرمایہ کاری بورڈ کا مزید کہنا ہے کہ آسان کاروبار پروگرام کا مقصد چھوٹے اور درمیانے سرمایہ کاروں کو سہولت اور معاشی ترقی فراہم کرنا ہے۔

اس موقع پر وزیراعظم سردار عبد القیوم نیازی نے کہا کہ سرمایہ کار آئیں ان کو بھرپور تعاون فراہم کیا جائے گا جبکہ سیاحت، ہائیڈل سمیت مختلف شعبوں میں سرمایہ کاری کیلئے کاروبار دوست ماحول فراہم کریں گے۔