باسکٹ بال: میچ کے اختتام پر کھلاڑی کا مخالف کھلاڑی پر حملہ

Web Desk

05th Dec, 2021. 12:45 am

امریکہ میں باسکٹ بال میچ میں شکست پر شکست خوردہ کھلاڑی لووا  نے میچ کے بعد مخالف کھلاڑی پر حملہ کر دیا۔

امریکی ریاست آئیووا کے شہر نیواڈا میں ہائی اسکول کی ٹیموں کے مابین باسکٹ بال کا میچ ہوا ، جس میں کارل آئیل ہائی اسکول کی ٹیم نے نیواڈا ہائی اسکول کی ٹیم کو 47  کے مقابلے میں 72  پوائنٹس سے شکست دے دی۔

امریکی میڈیا کے مطابق میچ کے اختتام پر جب دونوں ٹیموں کے کھلاڑی الوداعی مصافحہ کر رہے تھے تو اس وقت شکست خوردہ ٹیم کے ایک کھلاڑی لووا نے فاتح ٹیم کے کھلاڑی کارٹر پرینوسل پر اچانک حملہ کر دیا۔

کارٹر پرینوسل اس اچانک حملے میں سنبھل نہ پایا اور وہ زمین پر گر گیا، حملہ آور لووا نے فاتح کھلاڑی کے پیٹ اور منہ پر گھونسے مارے، پولیس نے 17 سالہ کھلاڑی لووا کو گرفتار کر لیا ہے۔

اسکول کے سپریٹنڈنٹ برائش آموس کا کہنا ہے کارٹر کو معمولی نوعیت کی انجری ہے اور خطرے کی کوئی بات نہیں ہے۔

Square Adsence 300X250