متحدہ عرب امارات نے نیا شیڈول متعارف کرواتے ہوئے ملازمین کو بڑا ریلیف فراہم کردیا۔
غیر ملکی خبررساں ادارے کے مطابق متحدہ عرب امارات کی جانب سے ملازمین کے اوقات کار میں تبدیلی کی گئی ہے اور ان کے لیے نیا شیڈول متعارف کروایا ہے جس کے تحت انہیں ہفتے میں ڈھائی دن چھٹی کرنے کا موقع ملے گا۔
یو اے ای نے ملازمت پیشہ افراد کو بڑا ریلیف دیتے ہوئے ہفتہ اور اتوار کو عام تعطیل کا اعلان کردیا اور جمعہ کو ہاف ڈے ہوگا یعنی تمام ملازمین پورے ہفتے میں صرف ساڑھے 4 دن کام کریں گے۔
#UAE announces today that it will transition to a four and a half day working week, with Friday afternoon, Saturday and Sunday forming the new weekend.
AdvertisementAll Federal government departments will move to the new weekend from January 1, 2022.#WamNews pic.twitter.com/p4IqjbIiXF
— WAM English (@WAMNEWS_ENG) December 7, 2021
نئے شیڈول کے مطابق ملازمین پیر سے جمعرات تک روزانہ صرف 8 گھنٹے کام کریں گے اور ان کے دفتری اوقات صبح ساڑھے 7 سے ساڑھے 3 بجے رکھے گئے ہیں۔
اس کے برعکس جمعہ کو ملازمین صرف ساڑھے 4 گھنٹے کام کریں گے اور ان کے اوقات صبح ساڑھے 7 سے ساڑھے 11 بجے تک رکھے گئے ہیں جب کہ جو لوگ جمعہ کے روز دفتر نہیں آنا چاہتے ان کے لیے ’ورک فرام ہوم‘ گھر سے کام کرنے کی سہولیت بھی موجود ہے۔
یہ بھی پڑھیں؛ متحدہ عرب امارات: عوام جلد ہی ٹرینوں کے ذریعے سفر کرسکیں گے
متحدہ عرب امارات کی جانب سے جاری کیے گئے نئے شیڈول کا اطلاق اگلے سال سے ہوگا اور ملک کے تمام وفاقی اداروں کو یکم جنوری 2022 سے ان اوقات کار پر سختی سے عمل درآمد کرنے کے احکامات جاری کیے گئے ہیں۔
دوسری جانب متحدہ عرب امارات میں نماز جمعہ کے خطے کے لیے ایک بجکر 15 منٹ کا وقت مقرر کیا گیا ہے۔ یو اے ای حکام کا کہنا ہے کہ ملازمین کے لیے طویل ویک اینڈ رکھنے کا مقصد کام کرنے کی صلاحیت کو بڑھانا ہے۔
واضح رہے گزشتہ روز ہی اماراتی حکومت نے ملک بھر میں سامان اور مسافروں کی نقل و حرکت کے لیے میگا ریلوے پروگرام لانچ کیا ہے جس کے تحت متحدہ عرب امارات میں عوام جلد ہی ٹرینوں کے ذریعے سفر کر سکیں گے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News