کمشنر لاہور کیپٹن ریٹائرڈ محمد عثمان نے سمن آباد و گرد و نواح کے علاقوں کا سرپرائز دورہ کیا ہے۔

محمد عثمان نے سمن آباد موڑ، گول چکر اور سمن آباد ہسپتال کا دورہ کیا، سمن آباد میں سڑک پر موجود عمارتی ملبہ کوہٹانے کیلئے بارہ گھنٹوں کا الٹی میٹم دے دیا۔

کمشنر لاہور کا کہنا تھا کہ کسی کو اجازت نہیں کہ اپنی عمارت کے گرد آلود ملبے کو سڑک کے کنارے ڈھیر لگائے۔

انہوں نے سمن آباد ہسپتال کی لیبارٹری میں جا کر وہاں پر ہونے والے ٹیسٹوں کا ریکارڈ چیک کیا کہ ہسپتالوں میں ڈینگی سمیت دیگر کے ٹیسٹ ہو رہے ہیں یا نہیں اور شہریوں کیلئے سہولت کی دستیابی کو یقینی بنانے پر زور دیا۔

اس موقع ہر کمشنر لاہور نے گھر گھر انسداد ڈینگی سرویلنس پر مامور ٹیموں کا حوصلہ بڑھایا، اپنے دورے کے دوران انسداد ڈینگی ٹیموں کے ریکارڈ چیک کیا اور اہلِ محلہ سے بھی ان کی شکایات بھی دریافت کیں۔

یاد رہے کہ کمشنر لاہور کیپٹن ریٹائرڈ محمد عثمان کے دورے میں ان کے ہمراہ ایل ڈبلیو ایم سی ہیلتھ  و دیگر کے افسران بھی موجود تھے۔