پاکستان ریلویزنے موجودہ حکومت کے وژن کے مطابق سیاحتی سرگرمیوں کی بحالی اور ریل کے ذریعے بالخصوص سیاحت کے لیے راولپنڈی سے اٹک سٹی اور نوشہرہ تک ٹورازم ٹرین چلانے کا انتظام کیا ہے۔

تفصیلات کے مطابق ٹورازم  ٹرین تین دسمبر سے دس دسمبر تک چلائی جائے گی، جس میں ملکی اور غیر ملکی مسافر شامل ہوں گے ۔

 یہ ٹرین اٹک خورد سے نوشہرہ تک چلائی جائے گی، جس میں مختلف اسٹیشنز کی سیر اور ان کے بارےمیں معلومات فراہم کی جائیں گی۔

برطانیہ امریکہ ،ا سپین، جرمنی، آسٹریلیا اور فرانس کے 35 اسٹیم انجنوں کے شوقین اور فوٹو گرافر اس ٹرین کے ساتھ ہیں اور مختلف دلکش نظاروں کی منظر کشی کر رہے ہیں۔

وزرات ریلویز کے ترجمان کے مطابق پاکستان ریلوے ،پولیس، صوبائی پولیس اور دیگر سیکورٹی ایجنسیوں کے ساتھ مل کر کام کر رہی ہے تاکہ فول پروف سیکورٹی فراہم کی جا سکے اور اسے ایک بڑی کامیابی بھی بنایا جا سکے۔

تقریب وزیر ریلویز اعظم خان سواتی، اور حبیب الرحمان گیلانی، سیکریٹری/چیئرمین ریلویز کی رہنمائی میں منعقد کی گئی ہے۔

 پاکستان ریلویزہیڈ کوارٹر آفس راولپنڈی ڈویژن ، اور وزارت ریلویز کی نگرانی میں یہ سفاری ٹرین چلائی جارہی ہے۔

ترجمان وزارت ریلویز نے امید کا اظہار کیاہےکہ ایک بار جب یہ سفاری ٹورسٹ ٹرین کامیاب ہو جاتی ہے تو مستقبل قریب میں بہت سے دیگر یورپی اسٹیم انجنوں کے شوقین افراد پاکستان کا دورہ کریں گے اور یہ پاکستان میں سیاحت کو بحال کرنے اور دنیا میں ملک کا ایک سافٹ امیج بنانے میں اہم کردارادا کرے گا۔