اسد عمرکا کہنا ہےکہ کراچی اور سندھ کےعوام صوبائی حکومت سے حق مانگ رہےہیں۔
وفاقی وزیر برائے منصوبہ بندی اور این سی او سی کے سربراہ اسد عمرنے پریس کا نفرنس کرتے ہوئے کہاکہ کراچی پانی کےلیے ترستا ہے، کراچی کو 26 کروڑگیلن پانی 2023 تک مہیا کردیا جائےگا، سندھ حکومت سے ویکسین تک خریدی نہیں جاتی۔
وفاقی وزیرنے کہاکہ گورنر کو بل مسترد کرکے بھیجنے پرخراج تحسین پیش کرتا ہوں ، گورنر نے حقیقی معنوں میں سندھ کےعوام کی نمائندگی کی۔
انہوں نے کہاکہ تعمیرات کے آرڈیننس میں ابہام ہے، محمودآباد نالے کا کام مکمل ہوچکا،اگلے2ماہ میں کھل جائےگا ،ناصر شاہ آئیں ساتھ کھڑے ہوکر بات کرتے ہیں۔
اسد عمر نے کہاکہ کراچی کے 3 بڑے نالوں کی صفائی کی ہے، کراچی ٹرانسفارمیشن پلان میں 5 منصوبے وفاق کے تھے، کراچی کے پانچوں منصوبوں پر ٹھوس پیشرفت ہورہی ہے،12 سال سے کھٹائی میں پڑا منصوبہ صوبے سے وفاق نے لے لیا۔
وفاقی وزیر برائے منصوبہ بندی نے کہاکہ وزیراعظم کل گرین لائن منصوبے کا افتتاح کریں گے۔
اس موقع پر گورنر سندھ عمران اسماعیل نے کہاکہ گرین لائن مقررہ وقت پر چلے گی ، 15 دن کے ٹرائل پربسیں چلیں گی ،وزیراعظم عمران خان کل گرین لائن کا افتتاح کرینگے،پیپلزپارٹی نے 13 سال میں کراچی کو ایک بس نہیں دی۔
گورنرسندھ نے کہاکہ گرین لائن بس میں آج سب کےساتھ سفر کیا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News