مسلم لیگ(ن) نے لاہور کے حلقہ این اے 133 کا معرکہ سر کرلیا ہے، جس کے بعد ن لیگی رہنماوں کی جانب سے مبارکباد کے پیغامات کا سلسلہ شروع ہوچکا ہے۔

پاکستانی پارلیمان میں قائدِ حزبِ اختلاف اور مسلم لیگ (ن) کے صدر شہباز شریف نے این اے 133 ضمنی انتخاب میں کامیابی پر شہبازشریف کی عوام اور پارٹی رہنماوں کو مبارکباد دیتے ہوئے کہا کہ حلقہ کے عوام نے ہمیشہ کی طرح ن لیگ پر اعتماد کا اظہار کیا ہے۔

شہبازشریف نے مزید کہا کہ ن لیگ ہمیشہ کی طرح عوام کے اعتماد پر پورا اترے گی۔

شہبازشریف نے ضمنی انتخاب میں کامیابی پر ن لیگی امیدوار شائستہ پرویز ملک کو بھی مبارکباد دی۔

مسلم لیگ (ن) کی نائب صدر مریم نواز نے بھی اپنے پیغام میں لکھا، ‘اللہ کا شکر، شیروں کو مبارک باد۔۔۔’

اپنے ایک اور پیغام میں انہوں نے “ایک باری پھر شیر۔۔۔” کا نعرہ بھی لگایا۔

اک واری فیر ۔۔۔۔ شیرررررررر
الحمدُللّہ 🙏🏼

— Maryam Nawaz Sharif (@MaryamNSharif) December 5, 2021

ن لیگی رہنما احسن اقبال نے اپنے ٹوئٹ میں کہا کہ شائستہ پرویز ملک کی کامیابی قائد نواز شریف،PMLN  کیساتھ ملک پرویز مرحوم کی شرافت اور کردار کی کامیابی بھی ہے، جنہوں نے ہمیشہ کارکنوں سے پیار اور محبت کی اور عوام کی خدمت میں کبھی کوتاہی نہیں کی۔

احسن اقبال نے لکھا کہ سوا تین سال کی سازشیں قائد نواز شریف اور PMLNکی محبت عوام کے دلوں سے ختم نہیں کر سکیں۔

شائستہ پرویز ملک کی کامیابی قائد نواز شریف ، PMLN کیساتھ ملک پرویز مرحوم کی شرافت اور کردار کی کامیابی بھی ہے جنہوں نے ہمیشہ کارکنوں سے پیار اور محبت کی اور عوام کی خدمت مین کبھی کوتاہی نہیں کی-سوا تین سال کی سازشیں قائد نواز شریف اور PMLNکی محبت عوام کے دلوں سے ختم نہیں کر سکیں https://t.co/foX7ukbrFK

— Ahsan Iqbal (@betterpakistan) December 5, 2021