جنید صفدر کی شادی، مریم نواز کی عوام سے درخواست

Web Desk

07th Dec, 2021. 10:45 pm
مریم نواز

مریم نواز نے جنید صفدر کی شادی سے متعلق عوام سے درخواست کر دی۔

پاکستان مسلم لیگ ن کی نائب صدر مریم نواز نے سماجی رابطے کی ویب سائٹ ٹویٹر پر اپنے ایک پیغام میں کہا کہ میرے بیٹے جنید صفدر کی شادی نجی اور خاندانی معاملہ ہے، میں دوسری ماؤں کی طرح سیاسی بیان بازی کا نشانہ بنے بغیر یہ لمحات منانے کی مستحق ہوں۔

مریم نواز نے کہا کہ میں میڈیا اور باقی سب سے عاجزی کے ساتھ درخواست کرتی ہوں کہ وہ خاندان کے رازداری کے حق کا احترام کریں۔

اپنے پیغام میں پاکستان مسلم لیگ ن کی نائب صدر مریم نواز نے آخر میں شکریہ بھی لکھا۔

دوسری جانب وفاقی وزیر برائے توانائی حماد اظہر نے مسلم لیگ (ن) کی نائب صدر مریم نواز کے ٹویٹ پر جوابی اور تنقیدی ٹویٹ کیا ہے۔

انہوں نے مریم نواز کو مخاطب کرتے ہوئے کہا  کہ آپ بلکل ٹھیک کہہ رہی ہیں، تاہم آپ نے دو ماہ پہلے وزیر اعظم اور وزراء پر میچ دیکھنے کے حوالے سے کچھ سیاسی تبصرہ کیا تھا، آپ نے وزیر اعظم کی اہلیہ کے بارے میں بھی افسوسناک  باتیں کی ہیں۔

حماد اظہر کا کہنا تھا کہ آپ کا میڈیا سیل بھی زیادہ تر لوگوں کی ذاتیات پر افواہیں پھیلاتا ہے، بہرحال میں سب سے گزارش کروں گا کہ ذاتی معاملات پر کسی بھی قسم کے تبصرے یا بحث سے گریز کریں۔

وفاقی وزیر برائے توانائی حماد اظہر کا مزید کہنا تھا کہ ہر فرد کی نجی زندگی مقدس ہے اور کسی بھی حالت میں اس کی خلاف ورزی نہیں ہونی چاہیے، خواہ دوسرے شخص کا طرز عمل ایسے حالات میں برابری سے نیچے رہا ہو۔

Square Adsence 300X250