ورلڈ ہیلتھ آرگنائزیشن کی چیف سائنٹسٹ نے کہا ہے کہ اومیکرون وائرس ایک جان لیوا وائرس ہے۔

چیف سائنٹسٹ سونیا سوامی ناتھن کے مطابق اس وائرس سے بچاؤ کے لئے ہمیں مظبوط حکمت عملی بنانا ہو گی، اور عالمی برادری کو دی گئی ہدایات پر عمل کرنا ہو گا۔

واضح رہے کہ کورونا وائس کے نئے ویرئینٹ اومیکرون سے بچاؤ کے لئے ڈبلیو ایچ او نے پوری دنیا کے ممالک کو خبردار کرتے ہوئے کہا ہے کہ تمام ممالک اپنے ملک میں صحت کی سہولیات میں اضافہ کریں تاکہ لوگوں کو اس موذی مرض سے بچایا جا سکے۔

ڈبلیو ایچ او کی چیف سائنٹسٹ کا کہنا تھا کہ پوری دنیا کی طرح ہم سب پریشان ہیں ، لیکن ہمیں گھبرانا نہیں ہے اور اس مرض سے بچاؤ کے لئے تمام تر حفاظتی اقدامات کرنے ہوں گے۔

انہوں نے مزید کہا کہ اس نئے وائرس کی مکمل تفصیلات ابھی سامنے نہیں آئیں جو ساؤتھ افریقہ میں نمودار ہوا اور دیکھتے ہی دیکھتے دنیا کے ایک درجن سے زائد ممالک میں پھیل گیا ہے۔

انہوں نے کہا جس طرح عالمی برادری نے ڈیلٹا ویرئینٹ کا مقابلہ کیا اس طرح اب اس اومیکرون کو بھی شکست دینا ہے۔ بظاہر ایسا لگتا ہے کہ اومیکرون تین گنا زیادہ خطرناک ہے .