متحدہ قومی موومنٹ (ایم کیو ایم) پاکستان کے سربراہ خالد مقبول صدیقی نے کہا ہے کہ ہم تحریک انصاف کا بوجھ نہیں اٹھائیں گے۔

جسٹس ریٹائرڈ وجیہہ الدین نے کراچی میں ایم کیو ایم کے عارضی مرکز بہادر آباد میں پارٹی رہنماؤں سے ملاقات کی۔

ملاقات میں سربراہ ایم کیو ایم پاکستان نے جسٹس (ر)  وجیہہ الدین کی ایم کیو ایم مرکز  آمد پر ان کا شکریہ ادا کیا۔

اس موقع پر خالد مقبول صدیقی نے کہا کہ کہ پیپلز پارٹی پورے سندھ کو لسانی فسادات کی طرف بڑھا رہی ہے۔

ان کا کہنا تھا کہ ایم کیو ایم اپنا بوجھ اٹھائے گی، پی ٹی آئی اپنا بوجھ اٹھائے۔

سربراہ ایم کیو ایم پاکستان خالد مقبول صدیقی نے مزید کہا  کہ ہمیں فعال عدالت اور شراکتی جمہوریت کی ضرورت ہے، سندھ لوکل گورنمنٹ ایکٹ کے خلاف ہم نے تمام سیاسی قوتوں کو اے پی سی میں بلایا۔