آپ کو یاد ہوگا کہ کچھ سال قبل انٹرنیٹ پر ایک بچے کی تصاویر خوب وائرل ہوئی تھی جن میں وہ مزے سے سگریٹ کے کش لگاتا ہوا نظر آرہا تھا۔

تاہم، اب ایک دن میں 40 سگریٹس پینے والا یہ بچہ یکسر بدل چکا ہے اور اسے پہچاننا بھی مشکل ہوگیا ہے۔

سماٹرا، انڈونیشیا سے تعلق رکھنا والا اردی رجال جو سگریٹ نہ ملنے پر اپنا سر دیوار سے ٹکرا دیا کرتا تھا، اب اس عادت سے کامیابی کے چھٹکارہ پا چکا ہے۔

یہ لڑکا ایک دہائی قبل عالمی سرخیوں میں آیا تھا۔ اسے نشے سے نمٹنے کے لیے حکومت کی جانب سے انتہائی ماہرانہ نگہداشت کی ضرورت تھی،  کیونکہ اس کے والدین کو ڈر تھا کہ نیکوٹین کے بغیر اردی خود کو شدید نقصان پہنچائے گا۔

اردی نے 2017 میں سی این این کو بتایا تھا کہ “میرے لیے اسے روکنا مشکل ہے۔ میں تمباکو نوشی نہ کروں تو میرے منہ کا ذائقہ کھٹا ہوجاتا ہے اور میرا سر چکراتا ہے۔”

اس کا حل روزانہ درجنوں سگریٹس کے طور پر سامنے آیا تھا، تاہم اردی کو اب طرز زندگی میں تبدیلی کی اشد ضرورت تھی۔

اردی کی خوراک کو تازہ مچھلی، پھل اور سبزیوں سے بدل دیا گیا ہے۔ جس نے نہ صرف اردی کو صحت مند بنا دیا ہے بلکہ اب وہ خوش بھی ہے۔

اردی نے مزید کہا کہ “میں اب خوش ہوں۔ میں زیادہ پرجوش محسوس کرتا ہوں، اور میرا جسم تازہ محسوس کر رہا ہے۔”

اردی 18 ماہ کی عمر میں سگریٹ نوشی کا عادی اس وقت سے بن گیا تھا، جب اس کے والد نے ازراہِ مزاق اسے ایک سگریٹ پکڑائی اور یہ وہ لمحہ تھا جب اردی سگریٹ نوشی کے شکنجے میں جکڑ گیا۔

عادت چھڑوانے کی کوشش کی گئی تو اردی نے خود کو نقصان پہنچانا اور شدید غصہ کرنا شروع کر دیا تھا، اس کے والدین پریشان تھے اور سمجھ نہیں پارہے تھے کہ اسے کس طرح سنبھالنا ہے۔

اردی کے والد ڈیان نے 2013 میں ڈیلی میل کو بتایا کہ “جب اردی نے پہلی بار سگریٹ نوشی چھوڑی تو وہ بہت سارے کھلونوں کا مطالبہ کرنے لگا۔ اس نے اپنا سر دیوار میں مارنا شروع کر دیا۔ وہ پاگل ہوگیا تھا، سگریٹ نہ ملنے کی صورت میں خود کو زخمی کر رہا تھا۔ اس لیے میں اس کے غصے اور اس کے رونے کی وجہ سے اسے سب سے پہلے سگریٹ دیتا ہوں۔”

تاہم اب ان کا کہنا ہے کہ “اب میں اسے سگریٹ نہیں دیتا لیکن وہ بہت کھاتا ہے۔ گھر میں بہت سارے لوگوں کے رہنے کی وجہ سے اسے کھانا حاصل کرنے سے روکنا مشکل ہے۔”

اب جبکہ تمباکو نوشی کی لت پیچھے چھوٹ چکی ہے، اردی نے اسے ایک نئی لت سے تبدیل کر لیا ہے اور جنک فوڈ سے محبت پیدا کر لی ہے، جس کی وجہ سے اس کے والدین کو اب ایک ماہر غذائیت کی خدمات لینی پڑ رہی ہیں۔