مشیر تجارت عبدالرزاق داؤد نے کہا ہے کہ پانچ ماہ میں 12.365 ارب ڈالر کی برآمدات رہیں۔

مشیر تجارت عبدالرزاق داؤد نے اپنے جاری کردہ بیان میں کہا ہے کہ پاکستانی برآمدات میں ایک ماہ کی تاریخی بلند ترین سطح پر پہنچ گئیں، ماہ نومبر میں پاکستانی برآمدات میں 33 فیصد کا اضافہ ہوا ہے۔

مشیر تجارت نے بتایا کہ نومبر میں 2.903 ارب ڈالر کی کل برآمدات رہیں جو گزشتہ سال نومبر میں 2.174 ارب ڈالر تھیں، نومبر میں حکومت کا پاکستانی برآمدات کا ہدف 2.6 ارب ڈالر تھا۔

انکا کہنا تھا کہ رواں مالی سال کے پہلے پانچ ماہ میں برآمدات میں 27 فیصد کا اضافہ ہوا ہے جبکہ گزشتہ مالی سال اسی عرصہ میں 9.747 ارب ڈالر کی برآمدات تھیں۔

مشیر تجارت عبدالرزاق داؤد نے مزید کہا کہ رواں مالی سال کے پانچ ماہ میں حکومت کا برآمدات کا ہدف 12.2 ارب ڈالر تھا تاہم درآمدات کے اعدادوشمار کو حتمی شکل دی جارہی ہے۔

دوسری جانب گزشتہ روز سماجی رابطے کی ویب سائٹ ٹوئٹر پر اپنے جاری کردہ ٹوئٹ پیغام میں مشیر تجارت فون نے میک ان ہاکستان پالیسی کے حوالے سے لکھا تھا کہ رواں سال جنوری سے اکتوبر 18.87 ملین موبائل فون پاکستان میں بنائے گئے، اسی عرصے میں 7.93 ملین فور جی موبائل بھی فون بنائے گئے ہیں۔

مشیر تجارت عبدالرزاق داؤد نے مزید لکھا تھا کہ رواں مالی سال کے پہلے 10 ماہ میں 9.45 ملین موبائل فون درآمد کیے گئے ہیں۔