احسن اقبال کا کہنا ہے کہ میٹروبس کوجنگلا بس کہنے والےآج کریڈٹ لینےکراچی آرہےہیں۔
مسلم لیگ (ن) نے گرین لائن منصوبے کا علامتی افتتاح کردیا۔ اس موقع پر پریس کانفرنس کرتے ہوئے احسن اقبال کا کہنا تھا کہ (ن) لیگ نے ترقی کے فلسفے کو سمجھ کرکام کیے،گرین لائن منصوبہ ن لیگ نے کراچی کو دیا، عمران صاحب اب پتاچل گیا سڑکیں موٹروے سےملک کی ترقی ہوتی ہے.
ان کا کہنا تھا کہ آپ کو سمجھ آجائےگی ن لیگ پاکستان کی ترقی کیلئے سب کرکےگئی،موقع ملا تو کراچی کو پھر بہترین شہر بنائیں گے،کراچی کی خوشحالی سے سندھ بھی خوشحال ہوگا۔
یہ بھی پڑھیں: اسد عمر نے کراچی والوں کو خوشخبری سنادی
احسن اقبال نے کہاکہ 2013 میں ن لیگ نے کراچی کے امن کو ترجیح دی،کراچی میں 200 سےزائد بند کارخانے دوبارہ چلائے، سندھ میں ترقی کا سفر شروع کیا جو حکومت نے برباد کردیا۔
مسلم لیگی رہنما نے کہاکہ سیالکوٹ جیسے واقعات میں ریاست بے بس نظرآتی ہے،جو ریاست کو چیلنج کرتے ہیں وہاں آپکا زور نہیں چلتا ،حکومت اپنےایجنڈے حاصل کر نے کیلئے رینجرز سے پولیس کاکام لے رہی ہے، کراچی کی ترقی میں ہمارا لہو بھی شامل ہوا ہے۔
مسلم لیگ ن کے قائد نواز شریف اور نائب صدر مریم نواز کے ترجمان محمد زبیر نے کہاکہ گرین لائن منصوبہ ن لیگ نے کراچی کو دیا، عمران خان کل افتتاح کرنے آرہے ہیں وہ نوازشریف کا تحفہ ہے، گرین لائن منصوبے کی 2018 میں تکمیل ہونی تھی۔
محمد زبیر نے مزید کہاکہ 10 فیصد منصوبہ مکمل کرنے کیلئے نالائق حکومت کو تین سال لگے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News