دنیا بھر میں مقبول مییسیجنگ ایپ واٹس ایپ نے اپنے استعمال کنندگان کی سیکیورٹی اور نجی معلومات اور پیغامات کو مزید محفوظ بنانے کے لیے ایک اور مفید ترین فیچر متعارف کروادیا ہے۔
اپنے اکاؤنٹ ہولڈرز کے لیے یکے بعد دیگرے سیکیورٹی اپ ڈیٹس اور نت نئے فیچر لانے والی ایپ واٹس ایپ کے اس نئے فیچر کی بدولت اب استعمال کنندگان اپنی چیٹ کو خودکار طریقے سے مخصوص مدت کے بعد دیلیٹ کر سکتے ہیں۔
اس نئے فیچر کی بدولت استعمال کنندگان اپنی سہولت کے مطابق ’ آٹو ڈیلیٹ فیچر‘ کو 24 گھنٹوں، 7 دن یا 90 دن کی مدت کے لیے منتخب کر سکتے ہیں، مقررہ مدت کے بعد ان کے پیغامات خود بخود ڈیلیٹ ہوجائیں گے۔
اس فیچر کو فعال کرنے کے لیے استعمال کنندہ کوتما م نئی چیٹس کے لیے ڈس اپیئر ( غائب ہونے والے پیغامات ) کے آپشن کو فعال (Enable) کر نا ہوگا۔
اس آپشن کو فعال کرنے کے بعد آپ کی فرداً فرداً کی گئی تمام چیٹس مقرر کردہ مدت کے بعد خودکار طریقے سے ڈیلیٹ ہوتی رہیں گی۔ دلچسپ بات یہ ہے کہ اس فیچر کو آپ انفرادی چیٹ کے ساتھ ساتھ گروپ چیٹس کے لیے بھی استعمال کرسکتے ہیں۔
اس فیچر کو فعال کرنے کے لیے سیٹنگز میں جا کر ‘Default Message Timer’ کے آپشن میں جائیں اور مقرر کردہ مدت کا تعین کرکے اسے فعال کریں۔
اس فیچر کا استعمال مکمل طور پر استعمال کنندہ کی صوابدید پر ہے۔ اور اسے فعال کرنے سے آپ کے پہلے سے موجود پیغامات ڈیلیٹ نہیں ہوں گے۔
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News