بھارت میں شادی کا کھانا غریبوں میں تقسیم کرنے کی ویڈیو وائرل ہورہی ہے جس پر صارفین کی جانب سے دلچسپ تبصرے کیے جارہے ہیں۔
برصغیر خاص طور پر پاکستان اور بھارت میں سردیاں آتے ہی شادیوں کا سیزن شروع ہوجاتا ہے اور دلچسپ امر یہ ہے کہ ہر کوئی اپنی شادی کو بہترین کرنے کی کوشش کرتا ہے ، ایسے میں دیگر تقریبات کے ساتھ ساتھ کھانے پر بھی بہت زیادہ توجہ دی جاتی ہیں اور شادی ہالوں میں انواع اقسام کے کھانوں کے ساتھ ساتھ میٹھا، کولڈرنگ یا پھر چائے اور کافی وغیر کا بندوبست کیا جاتا ہے۔
پاکستان اور بھارت میں شادیوں کے دوران کھانا کھانے سے زیادہ ضائع کیا جاتا ہے لیکن ہم سب کچھ جاننے کے باوجود اپنی شادیوں میں کھانوں کی درجنوں ڈشز کا اہتمام کرتے ہیں اور اگر آخر میں اگر کچھ کھانا بچ جائے تو بدقسمتی سے ہم وہی کھانا غریبوں میں تقسیم کرنے کے بجائے گھر لے جاکر فریج میں رکھنے کو ترجیح دیتے ہیں۔
سوشل میڈیا پر شادی کے کھانے کے حوالے سے ایک ویڈیو وائرل ہورہی ہے جس میں بھارتی ریاست مغربی بنگال میں ایک شادی کے دوران دلہا کی بہن غریبوں میں کھانا تقسیم کررہی ہے۔
انسٹاگرام پر وائرل ہونے والی پوسٹ میں دیکھا جاسکتا ہے کہ دلہا کی بہن شادی ختم ہونے کے بعد بچا ہوا کھانا گھر لے جانے کے بجائے غریبوں میں تقسیم کردیتی ہے جب کہ ان کے فوٹوگرافر چھپکے سے اس منظر کی تصاویر کھینج کر اپنے گروپ میں اپ لوڈ کردیتا ہے ۔
دوسری جانب سوشل میڈیا صارفین نے دلہا کی بہن کی جانب سے اس اقدام کی تعریف کی۔ ایک صارف نے کہا ’’میں بھی اپنی شادی میں امیروں کو کھانا کھلانے کے بجائے غریبوں میں تقسیم کروں گا‘‘۔
AdvertisementAdvertisementView this post on InstagramAdvertisementAdvertisementAdvertisementAdvertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News