عثمان ڈار نے کہا ہے کہ پچھلے 72 سالوں میں نوجوانوں اور کھیلوں کو بری طرح نظرانداز کیا گیا۔
کامیاب جوان پروگرام کے سربراہ عثمان ڈار نے کامیاب جوان اسپورٹس ڈرائیو تقریب سے خطاب کرتے ہوئے کہا کہ میں نوجوانوں سے براہ راست کامیاب جوان اسپورٹس ڈرائیو کے حوالے سے انتظامات کے حوالے سے پوچھ رہا ہوں۔
دوسری جانب وزیر مملکت فرخ حبیب نے کامیاب جوان سپورٹس ڈرائیو تقریب سے خطاب کرتے ہوئے کہا کہ پاکستان کو مثبت سرگرمیوں کے ساتھ پروان چڑھانا ہے۔
فرخ حبیب نے کہا کہ کامیاب جوان اسپورٹس ڈرائیو سے ہی اولمپین اور چیمپینز نکلیں گے۔
وفاقی وزیر مملکت کا کہنا تھا کہ کامیاب جوان اسپورٹس ڈرائیو سے نوجوانوں میں کھیلوں کے میدان میں جوش و جذبہ پیدا ہورہا ہے۔
فرخ حبیب نے کہا کہ کھیلوں سے لگاؤ رکھنے والے نوجوانوں کو کامیاب جوان سسپورٹس ڈرائیو کے زریعے مشغول کیا ہے۔
انہوں نے کہا کہ پاکستان کے نوجوانوں کو کھیلوں کی طرف راغب کرنا ہی ہمارا ہدف ہے۔
فرخ حبیب نے کہا کہ میرا پسندیدہ کھیل کرکٹ ہے۔
انہوں نے کہا کہ نیشنل اسپورٹس پالیسی کے زریعے تمام صوبوں کو کھیلوں کے حوالے سے ساتھ ملایا ہے، کرکٹ کے ساتھ ساتھ مختلف کھیلوں کو بھی پاکستان میں فروغ دینا ہے۔
فرخ حبیب نے مزید کہا کہ وزیراعظم کے نظریے کے مطابق پاکستان میں کھیلوں کے میدان آباد کرنے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News