ایف بی آر نے مشورہ کیے بغیر پراپرٹی کی ویلیوایشن میں اضافہ کردیا، چمبر آف کامرس

Web Desk

07th Dec, 2021. 02:34 pm

خواجہ خاور رشید نے کہا ہے کہ فیڈرل بورڈ آف ریونیو نے حسب معمول مشورہ کیے بغیر ہی پراپرٹی کی ویلیوایشن میں کئی سو گنا اضافہ کردیا جس کے بدترین اثرات اسٹاک مارکیٹ پر بھی دیکھنے میں آئے جبکہ ریئل اسٹیٹ سیکٹر میں کام کرنے والے لوگ بھی پریشان ہیں۔

پنجاب ڈائیز اینڈ کیمیکلز مرچنٹس ایسوسی ایشن کے لاہور چیپٹر کے صدر اور لاہور چیمبر آف کامرس اینڈ انڈسٹری کے سابق سینئر نائب صدر خواجہ خاور رشید نے کہا ہے کہ فیڈرل بورڈآف ریونیو نے پراپرٹی کی ویلیوایشن میں اضافہ کی صورت میں جو قدم اٹھایا ہے اس کے بدتر اثرات پاکستان اسٹاک ایکسچینج کی تباہی صورت میں دیکھے جاسکتے ہیں۔

انکا کہنا ہے کہ اگر فیڈرل بورڈ آف ریونیو نے اپنا فیصلہ واپس نہ لیا تو پوری اکانومی ہی تباہ حال ہوگی۔

انہوں نے کہا کہ ریئل اسٹیٹ سیکٹر کو نقصان ہونے کا مطلب ہے کہ کنسٹرکشن سیکٹر کو بھی نقصان پہنچے گا اور ان سے وابستہ دیگر چالیس انڈسٹریز بھی متاثر ہونگی جس سے ساری اکانومی کو نقصان پہنچے گا۔

انہوں نے کہا کہ اگر فیڈرل بورڈ آف ریونیو یہ فیصلہ واپس لے لیتا ہے تو اسٹاک مارکیٹ بھی تیز ہوگی اور ریئل اسٹیٹ سیکٹر سے وابستہ لوگوں کو بھی سکھ کا سانس لینا نصیب ہوگا۔

Square Adsence 300X250