بھارت کے پہلے چیف آف ڈیفنس اسٹاف جنرل بپن راوت کی ہلاکت کے بعد سوشل میڈیا پر مختلف ویڈیوز وائرل ہورہی ہیں۔
سوشل میڈیا پر وائرل ہونے والی زیادہ تر ویڈیوز جنرل بپن راوت کی ہلاکت سے متعلق ہیں جن میں ہیلی کاپٹر میں آگ لگنے اور گرنے سمیت ریسکیو آپریشن کی ویڈیوز شامل ہیں۔
ایک ویڈیو سے متعلق سوشل میڈیا پر صارفین نے دعویٰ کیا ہے کہ جنرل بپن راوت کے ہیلی کاپٹر کو فضا میں ہی آگ لگ چکی تھی اور اس کی ویڈیو بھی اپ لوڈ کی گئی ہے تاہم اس بات کی تصدیق نہیں ہوسکی کہ ویڈیو میں جو ہیلی کاپٹر نظر آرہا ہے وہ بھارتی فضائیہ کا ہی ہے جس کو حادثہ پیش آیا۔
یہ بھی پڑھیں؛ جنرل بپن راوت کون ہیں؟
ابتدائی طور پر بھارتی فضائیہ نے اپنے ایک ہیلی کاپٹر گرنے کی اطلاع دی جس میں بھارتی چیف آف ڈیفنس اسٹاف جنرل بپن راوت اور ان کی اہلیہ سمیت 14 افراد شریک تھے جو نئی دہلی سے ریاست تامل ناڈو کے علاقے سولور جارہا تھا کہ اس دوران اسے حادثہ پیش آگیا۔
Sea how the #HelicopterCrash happen in #TamilNadu of #IndianArmy in which Gen #BipinRawat also on bord with his family.#बिपिन_रावत #Ooty Security pic.twitter.com/Bn7aC4jOIn
— Manjul Khattar (Modi Ka Parivar) (@manjul_k1) December 8, 2021
بعد ازاں بھارتی فضایہ نے ہیلی کاپٹر حادثے میں جنرل بپن راوت اور ان کی اہلیہ سمیت 13 افراد کی ہلاکت کی تصدیق کی تاہم بھارتی فضائیہ کے گروپ کیپٹن ورون سنگھ معجزانہ طور پر زندہ بچ گئے اور اس وقت اسپتال میں ہیں جہاں انہیں طبی امداد دی جارہی ہے۔
واضح رہے ہیلی کاپٹر حادثے میں زندہ بچ جانے والے گروپ کیپٹن ورون سنگھ کو حال ہی میں تیجاس جنگی طیارے کو بچانے پر سوریا چکرا ایوارڈ سے نوازا گیا تھا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News