جنیوا:عالمی ادارہ صحت کے سربرہ نے ان ممالک کو تنبیہ کرتے ہوئے کہا ہےکہ جو ڈیلٹا سے بچاؤ کے لئے خاطر خواں انتظام نہیں کر رہیں ہیں ان کے لئے اومیکرون سے بچنا بھی مشکل ہوگا۔
غیر ملکی خبر رساں ادارے کے مطابق اس بات پر زور دیا گیا ہے کہ دنیا کے تمام ممالک اپنے نظام صحت کو مضبوط بنائیں اور ایس او پیز پرسختی سے عمل درآمد کر وائیں۔
ڈاکٹر تیدروس ایڈہانوم نے کہا ہے دنیا بھر میں کمزور افراد کو اومیکرون سے سب سے زیادہ خطرہ ہے اسی لئے پہلے کمزور افراد کو ویکسین لگائی جائے۔
آج کل دنیا بھر میں کرونا کے نئے ویریئنٹ کی وجہ سے کافی تشویش پائی جاتی ہے، عالمی ادارہ صحت کے سربراہ نے اس بات پر زور دیتے ہوئے کہا ہے کہ جس طرح ڈیلٹا ویریئنٹ سے نبرد آزما ہو نے کے لئے احتیا طی تدابیر اختیار کئی گئی تھی اس طرح اومیکرون سے بھی بچاؤ کے لئے اختیار کی جائے تو اسے پھیلنے سے روکا جاسکے گا۔
ڈاکٹر تیدورس نے اس بات پر افسوس کا اظہار کرتے ہوئے کہا ہے کہ دنیا بھر میں ویکسینیشن اور ٹیسٹنگ میں بھی واضح کمی نظر آرہی ہے اور یہی کرونا کی نئے اقسام کو جنم دینے کا بنیادی سبب ہے۔
عالمی ادارہ صحت کے سربراہ دنیا بھر سے یہ اپیل کررہیں ہیں کہ ویکسین کی تقسیم اور ٹیسٹنگ تمام ممالک میں یکساں اور مساوی بنیادوں پر کی جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News