حماد اظہر کا مریم نواز کی درخواست پر تنقیدی جواب

Web Desk

07th Dec, 2021. 11:29 pm

وفاقی وزیر برائے توانائی حماد اظہر نے مسلم لیگ (ن) کی نائب صدر مریم نواز کے ٹویٹ پر جوابی اور تنقیدی ٹویٹ کیا ہے۔

مریم نواز نے اپنے پیغام میں میڈیا اور دیگر سیاسی عوامل سے اپنے بیٹے جنید صفدر کی شادی کے حوالے سے درخواست کی تھی۔

جس پر حماد اظہر نے مریم نواز کو جواب دیتے ہوئے لکھا کہ آپ بلکل ٹھیک کہہ رہی ہیں، تاہم آپ نے دو ماہ پہلے وزیر اعظم اور وزراء پر میچ دیکھنے کے حوالے سے کچھ سیاسی تبصرہ کیا تھا، آپ نے وزیر اعظم کی اہلیہ کے بارے میں بھی افسوسناک  باتیں کی ہیں۔

حماد اظہر نے مزید لکھا کہ آپ کا میڈیا سیل بھی زیادہ تر لوگوں کی ذاتیات پر افواہیں پھیلاتا ہے، بہرحال میں سب سے گزارش کروں گا کہ ذاتی معاملات پر کسی بھی قسم کے تبصرے یا بحث سے گریز کریں۔

وزیر توانائی نے لکھا کہ ہر فرد کی نجی زندگی مقدس ہے اور کسی بھی حالت میں اس کی خلاف ورزی نہیں ہونی چاہیے، خواہ دوسرے شخص کا طرز عمل ایسے حالات میں برابری سے نیچے رہا ہو۔

مریم نواز نے اپنے بیٹے جنید صفدر کی شادی سے متعلق ٹویٹ میں لکھا تھا کہ میرے بیٹے جنید صفدر کی شادی نجی اور خاندانی معاملہ ہے، میں دوسری ماؤں کی طرح سیاسی بیان بازی کا نشانہ بنے بغیر یہ لمحات منانے کی مستحق ہوں، میڈیا اور باقی سب سے عاجزی کے ساتھ درخواست کرتی ہوں کہ وہ خاندان کے رازداری کے حق کا احترام کریں۔

https://twitter.com/MaryamNSharif/status/1468248943628857354?s=20

Square Adsence 300X250