ویسٹ انڈیز کے کپتان کیرون پولارڈ کے دورہ پاکستان سے باہر ہونے کے بعد ویسٹ انڈیز نے نیا کپتان مقرر کردیا۔
انٹرنیشنل کرکٹ کاؤنسل (آئی سی سی) کے مطابق ویسٹ انڈیز نے دورہ پاکستان کے لیے بلے باز نکولس پورن کو کپتان مقرر کردیا ہے۔
سماجی رابطے کی ویب سائٹ پر ٹوئٹ کرتے ہوئے ویسٹ انڈیز کرکٹ بورڈ نے اس خبر کی تصدیق کرتے ہوئے بتایا کہ ’’ٹی ٹوئنٹی کرکٹ میں کیرون پولارڈ کی غیر موجودگی میں نکولس پورن کپتانی کے فرائض انجام دیں گے‘‘۔
https://twitter.com/ICC/status/1467901712392499200
خیال رہے ویسٹ انڈیز کے ٹی ٹوئنٹی ٹیم کے کپتان کیرون پولارڈ متحدہ عرب امارات میں کھیلے گئے آئی سی سی ٹی ٹوئنٹی ورلڈکپ کے دوران ہیمسٹرنگ انجری کا شکار ہوگئے تھے تاہم امید ظاہر کی جارہی تھی کہ وہ دورہ پاکستان کے لیے فٹ ہوجائیں گے جس کی وجہ سے ان کا نام اسکواڈ میں شامل کیا گیا تاہم وہ اب تک ہمسٹرنگ انجری سے مکمل طور پر نجات حاصل نہیں کرسکے جس کے باعث وہ دورہ پاکستان سے باہر ہوگئے ہیں۔
واضح رہے ویسٹ انڈیز اور پاکستان کے درمیان 3 ٹی ٹوئنٹی اور 3 ایک روزہ میچوں کی سیریز کھیلی جائے گی جب کہ ویسٹ انڈین اسکواڈ 9 دسمبر کو کراچی پہنچے گا اور دونوں ٹیموں کے درمیان ٹی ٹوئنٹی سیریز 13 دسمبر سے شروع ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News