الیکشن کمیشن ممبران کی تقرری کے معاملہ پرحکومت اور اپوزیشن کے درمیان معاملات طے پاگئے۔

وفاقی وزیر منصوبہ بندی اسد عمر کی لیگی رہنما خواجہ سعد رفیق سے پارلیمنٹ ہاؤس میں ملاقات ہوئی۔

دونوں رہنماؤں نے پنجاب اور کے پی کے میں الیکشن کمیشن ممبران کی تقرری پرمعاملات باہمی مشاورت سے طے کرلئے ہیں۔

ذرائع کے مطابق کوٹہ سسٹم کے بجائے غیر جانبدار ممبران سامنے لانے پر اتفاق ہوا ہے۔

اس کے ساتھ ساتھ تجویز کردہ ناموں پر مزید مشاورت کرنے پر بھی اتفاق ہوا۔

دونوں رہنماؤں کا کہنا تھا کہ الیکشن کمیشن کے ممبران کی تقرری کیلئے ایسے نام سامنے لائے جائیں جو غیرجانبدار ہوں۔

یہ بھی پڑھیں: الیکشن کمیشن ای وی ایم کی خریداری میں تاخیری حربوں کا جواب دے گا